“Португал” улсын шигээ багийн тамирчин, Испанийн эзэн хааны “Реал Мадрид” клубын довтлох чиглэлийн хагас хамгаалагч, супер од Криштиану Роналду Польш – Украйн улсад зохион байгууллагдаж буй “Европын хөлбөмбөгийн аврага шалгаруулах тэмцээн” –ийг дуусгаад хуримаа хийхээр болжээ. Алдарт “People” сэтгүүл энэхүү мэдээллийг баттай эх сурвалжаас авсан хэмээн мэдэгдэж байна. 2008 оны дэлхийн шилдэг хөлбөмбөгчин болсон “Португал” эрийг  “Реал Мадрид” клуб 2009 оны зун “Улаан чөтгөрүүд” –ийн эгнээнээс 80 сая фунт стерлингээр худалдан авч өөрийн болгосноор түүнийг дэлхийн хамгийн үнэтэй хөлбөмбөгчин болгосон юм. Түүний гэр бүл болох гэж байгаа бүсгүй нь ОХУ –ын топ модел “Ирина Шейк” юм. Тэд 2010 оны тавдугаар сард холбоотой болж, “Armani Exchange”-ийн үйл ажиллагааны үеэр хамтдаа олны өмнө гарч ирсэн нь тэднийг үерхэж эхэлснийг нь баталсан юм. Бүсгүйчүүдийн “аранга” гэгддэг дэлхийн хамгийн царайлаг хөлбөмбөгчдийн нэг болох “Роналду” маань энэ зун өрхийн тэргүүн болох ажээ. “Евро 2012” тэмцээнд түүний тоглодог “Португал” улсын шигшээ баг шөвгийн дөрөвт шалгарч үлдсэн байгаа. Ингээд “Супер од” маань удахгүй болох хуримандаа ямар бэлэг барихыг нь хамтдаа харах л үлдлээ. Даширамд дуулгахад тэрээр өмнөх найз бүсгүйгээсээ нэг хүүтэй болсон бөгөөд одоо хүүгээ өөрөө өсгөж байгаа гэнэ шүү.