Сонирхогчийн боксын “Химийн цом” “А” зэрэглэлийн олон улсын тэмцээн Германд энэ сарын 8-12-нд боллоо. 43 дахь удаагийн тус тэмцээнд манай улсаас найман ширэн бээлийтэн өрсөлдөж, гурван алт, нэг мөнгөн медаль авлаа. 49 кг-д Г.Ган-Эрдэнэ Германы Алберто Мустафийг 2:1, 52 кг-д Х.Энх-Амар Европын аваргын хүрэл медальт Германы Т.Хамзаг 3:0,  56 кг-д Э.Цэндбаатар Азийн наадмын мөнгөн медальт, БНХАУ-ын Зан Жиавейг 2:1-ээр тус тус ялж аваргаллаа. Харин Армийн дэлхийн аварга Б.Чинзориг шигшээд Их Британийн П.Макормакт 3:0-ээр дийлдлээ. Тэрээр өнгөрсөн жил энэ тэмцээнд аваргалсан юм.