"Сүхбаатар дүүргийн 13 дугаар хороо Сэлбэ голын далан дээр  шатсан хүн байна” гэсэн мэдээлэл энэ сарын 7-ны өдөр Цагдаагийн газарт ирсэн байна.

Мэдээллийн дагуу шалгахад  Сүхбаатар дүүргийн 13 дугаар хороонд суух 63 настай, Б гэгч эрэгтэй архи ууж, согтуурсан үедээ шатамхай шингэн  бие дээрээ асгаж, гал тавьсан байжээ. Галын улмаас иргэн Б-нийн биеийн 90 хувь түлэгдсэн гэнэ. Тэрбээр одоо Гэмтэл согог судлалын үндэсний төвд эмчлүүлж байгаа аж. Хэргийг Сүхбаатар дүүргийн цагдаагийн хоёрдугаар хэлтэст шалгаж байна.