АНУ-ын анхны Ерөнхийлөгч Жорж Вашингтон 1732 оны энэ өдөр Виржиниа мужид Августин Вашингтоны бага хүү болон мэндэлжээ. Вашингтоных дунд зэргийн сурвалжит айл байсан бөгөөд боолын тариалангийн аж ахуй, уул уурхайн ажилд оролцож байсан гэдэг.
Вашингтон хүүхэд насаа Стаффорд дахь Фэрри хэмээх фермд өнгөрүүлсэн бөгөөд эцэг Августин нь түүнийг 11 настайд өөд болж, 14 настай том ах Лаурэнс нь аавынхаа ажлыг хүлээн авч тариалангийн талбайгаа “Маунт Вернон” хэмээн нэрлэсэн байна. Вашингтон, Лаурэнс хоёр эцэг нэгтэй ч эх өөр байсан бөгөөд эцэг нь өөд болсон хойно Жорж хэмжилзүйн чиглэлээр сурч, төрж өссөн Виржиниа мужийнхаа газрын хэлбэр, тогтоцын талаар нэгд нэггүй мэддэг болсон байв.
1752 оны зун ах Лаурэнс нь нас барж Вашингтон ахынхаа эдлэн газрыг түрээслэж байгаад сүүлд өвлөн авсан юм. Тэр жил Виржиниа мужийн шинэ захирагч Роберт Динвиди мужийн армийг дөрвөн хэсэгт хуваасан ба Вашингтон нэгийг нь хариуцан авч цэргийн бэлтгэл сургулилт хийлгэх болсноор улс төрд орох эхлэлээ тавьсан гэдэг. Тэрээр 1789 онд сонгогчдын 100 хувийн саналаар АНУ-ын анхны Ерөнхийлөгч болсон бөгөөд 1797 он хүртэл төр барьсан түүхтэй.
