Засгийн газраас хэрэгжүүлсэн “Нүүрс” хөтөлбөрийн ахлагчаар ажиллаж байхдаа иргэдэд сайн чанарын нүүрс нийлүүлэх нэрээр төрийн хөрөнгийг хувьдаа завшсан байж болзошгүй гэдэг шалтгаанаар Ерөнхий сайдын зөвлөх Л.Гансүхийг саатуулан шалгаж байгаа билээ.

Түүнийг саатуулагдсанаас хойш намын нөхөд нь үе үе эргэж тойрч байгаа юм. Хамгийн сүүлд л гэхэд сар шинийг тохиолдуулан Ерөнхий сайд асан Н.Алтанхуяг түүнийг эргэн очиж золгосон тухайгаа өөрийн фэйсбүүк хуудсандаа "Гансүхтэйгээ очиж золголоо. Та бүхэнд сар шинийн мэнд дэвшүүлсэн шүү." хэмээн бичиж үлдээжээ.