ЦАГ АГААР: Улаанбаатарт шөнөдөө 17 хэм хүйтэн
Гадаадаас хураасан гэмт хэргийн хөрөнгийн орлого Асрамжийн газрын үйл ажиллагаанд ашиг тусаа үзүүлж байна
УИХ-ын дарга Д.Амарбаясгалан Бүгд Найрамдах Улсыг тунхаглаж анхдугаар Үндсэн хууль баталсны 100 жилийн ойг тохиолдуулан мэндчилгээ дэвшүүллээ
Анхдугаар Үндсэн хууль баталж, Бүгд Найрамдах Улсыг тунхагласны 100 жилийн ойн баярын хурал боллоо
ӨНӨӨДӨР: Бүгд Найрамдах Улсаа тунхаглаж, Анхдугаар Үндсэн хуулиа баталсан өдөр
ЦАГ АГААР: Улаанбаатарт өдөртөө 13 хэм хүйтэн
Ойрын өдрүүдэд нутгийн зүүн хагаст жавартай, хүйтэн салхитай байна
У.Хүрэлсүх: Байгалиа хайрлан хамгаалах хандлага, сэтгэлгээг хойч үедээ өвлүүлэх нь бидний эрхэм үүрэг
Парламентын судалгаа, хөгжлийн хүрээлэн, Монголын Хуульчдын холбоо хамтран ажиллах санамж бичиг байгууллаа
Мастеруудын дэлхийн аварга шалгаруулах тэмцээнээс 3 алт, 2 мөнгө, 3 хүрэл медаль хүртжээ
Европын Холбоо Грекийг Шенгений бүсээс гаргана
Хойд Африк, Ойрхи дорнодын дүрвэгсдийн Европ, Шенгений бүс рүү орох гол зам нь Грек болж гурван сар өнгөрөхөд энэ нь маш их эрсдэл дагуулж эхэллээ. Еврокомиссын илтгэлд дурдсанаар бол Европын холбооны өмнөд хил болж байгаа Грек улс Шенгений орнуудын шаардлагыг ноцтой зөрчиж, түнш орнуудынхаа өмнө энэ орон зайд визгүй зорчих боломжийг бүрдүүлэх талаар хүлээсэн үүргээ биелүүлэхгүй байгаа учраас энэ хавраас Грекийг энэ бүсээс хөөж магадгүй гэжээ.
Эгийн тэнгис дэх грекийн арал, Грек-Туркийн хилийг бүр өнгөрсөн оны арваннэгдүгээр сараас нягт шалгалаа гэж Европын холбооны шинжээчдийн Брюссельд тараасан илтгэлд дурдсан байна. Эндээс үзэхэд цагдаа, эргийн хамгаалалтын хүч дутагдалтай, үүнээсээ болоод Грекийн эрх баригчид дүрвэгсдийг бүртгэх, оруулах ажлыг хангалтгүй хийдэг нь харагдсан байна.
“Дүрвэгсдийг хил давуулахдаа тэдний баримт бичгийг нэг бүрчлэн нарийн шалгахгүй, аюулгүй байдлын шаардлага хангахгүй, тэдний хурууны хээг ч авах тодорхой тогтолцоо байхгүй байна. Арай гэж арваннэгдүгээр сараас Грекчүүд Шенгений хяналтын дор энэ дүрмийг баримталж эхэлсэн ч энэ нь бас л хангалтгүй байна” гэж баримт бичигт дурджээ.
“Грек улс хүлээсэн үүргээ биелүүлэхгүй, хилийн хяналт шалгалтаа сайжруулах талаар хангалтгүй ажиллаж байгааг илтгэл харуулж байна. Тавьж байгаа шаардлагыг биелүүлэх талаар арга хэмжээ авахгүй, энэ хэвээр байвал хилээ түр хугацаагаар ч болов хаахад хүрнэ” гэж Еврокомиссын дэд ерөнхийлөгч Валдис Домбровскис хэлжээ.
Шенгений хуульд зааснаар бол Шенгений хилийг зургаан сараар хааж, үүнийгээ гурван удаа сунгадаг юм байна.
Ингэж Афиныг европын визгүй бүсээс хасах нь бүр өнгөрсөн долоо хоногт тодорхой болоод байгаа юм.
Үүнийг дагаад балканы энэ орныг сайн сайхан амьдрал хайж ирж байгаа дүрвэгсдийн “мини лагерь” болгох төлөвлөгөөг Брюссель, Берлин болон Европын холбооны бусад орнуудын нийслэлд боловсруулж эхэлсэн гэж хэвлэлүүд бичиж байна. Белгийн ДЯЯ-ны тэргүүн Ян Ямбон Грект 400 мянган дүрвэгч байрлуулах лагерь байгуулах асуудлыг Грекийн Цагаачлалын сайд Яннис Музаласт тавьсан байна.
Хамгийн гол нь ийм тооны дүрвэгчийг байрлуулахад найдвартай хамгаалалт, аюулгүй байдлын арга хэмжээ шаардлагатай болж үүнд нь хэдэн арван мянган цагдаа, хууль сахиулагч хэрэгтэй болно.
Үүнээс үүдээд Грек улс үүнийг “европчууд цагаачлагч, дүрвэгсдийн хямралтай холбоотой бүхий л хариуцлагыг Афинд үүрүүлэх гэж байна” гэж мэдэгдэж байгаа юм.
“Бид бүр 2014 онд л дүрвэгсдийн их урсгал эхэллээ гэж байхад хэн ч сонсоогүй. Ингээд давалгаа эхлэх үеэр бид Европын холбоонд хандаж тодорхой нэмэлт нөөц, мөнгө хөрөнгө, техникийн туслалцаа хүссэн, харамсалтай нь туслаагүй. Одоо болохоор биднийг хилээ хянаж чадсангүй хэмээн Шенгений бүсээс гаргана хэмээн айлгаж байна” гэж Грекийн Цагаачлалын сайд Яннис Музалас хэлжээ.
Бүр 2010 оноос хойш эдийн засгийн хямралд ороод байсан Грек одоо хэдэн зуун мянган дүрвэгч хүлээн авна гэдэг ёстой сүйрэл гэсэн үг. Яахав Европын холбооны түншүүдээ л ийм лагерь байгуулахад туслах байх гэж найдах үлдэж байгаа хэрэг.
Грекийн Засгийн газрын албан ёсны баримтаас үзэхэд дүрвэгсэд энэ улсын төсвөөс нэг тэрбум евро залгичхаад байгаа бол Европын төрөл бүрийн сангаас Афинд бас 83 сая еврогийн дэмжлэг үзүүлчихээд байгаа юм.
Олон улсын валютын сангийн тооцооллоор бол ойрын гурван жилд Европын холбооны орнуудад жилд дунджаар 1,3 сая хүн дүрвэн очих гэнэ. НҮБ ч бас энэ тоотой ойролцоо тоо хэлж байгаа юм. Ойрхи Дорнод, Африк, Азийн орнуудаас 2016 онд Европ руу нэг сая хүн зорьж очно гэж НҮБ-ын Дүрвэгсдийн асуудал хариуцсан Дээд комиссарын газар мэдээлж байна.
Хойд Африк, Ойрхи дорнодын дүрвэгсдийн Европ, Шенгений бүс рүү орох гол зам нь Грек болж гурван сар өнгөрөхөд энэ нь маш их эрсдэл дагуулж эхэллээ. Еврокомиссын илтгэлд дурдсанаар бол Европын холбооны өмнөд хил болж байгаа Грек улс Шенгений орнуудын шаардлагыг ноцтой зөрчиж, түнш орнуудынхаа өмнө энэ орон зайд визгүй зорчих боломжийг бүрдүүлэх талаар хүлээсэн үүргээ биелүүлэхгүй байгаа учраас энэ хавраас Грекийг энэ бүсээс хөөж магадгүй гэжээ.
Эгийн тэнгис дэх грекийн арал, Грек-Туркийн хилийг бүр өнгөрсөн оны арваннэгдүгээр сараас нягт шалгалаа гэж Европын холбооны шинжээчдийн Брюссельд тараасан илтгэлд дурдсан байна. Эндээс үзэхэд цагдаа, эргийн хамгаалалтын хүч дутагдалтай, үүнээсээ болоод Грекийн эрх баригчид дүрвэгсдийг бүртгэх, оруулах ажлыг хангалтгүй хийдэг нь харагдсан байна.
“Дүрвэгсдийг хил давуулахдаа тэдний баримт бичгийг нэг бүрчлэн нарийн шалгахгүй, аюулгүй байдлын шаардлага хангахгүй, тэдний хурууны хээг ч авах тодорхой тогтолцоо байхгүй байна. Арай гэж арваннэгдүгээр сараас Грекчүүд Шенгений хяналтын дор энэ дүрмийг баримталж эхэлсэн ч энэ нь бас л хангалтгүй байна” гэж баримт бичигт дурджээ.
“Грек улс хүлээсэн үүргээ биелүүлэхгүй, хилийн хяналт шалгалтаа сайжруулах талаар хангалтгүй ажиллаж байгааг илтгэл харуулж байна. Тавьж байгаа шаардлагыг биелүүлэх талаар арга хэмжээ авахгүй, энэ хэвээр байвал хилээ түр хугацаагаар ч болов хаахад хүрнэ” гэж Еврокомиссын дэд ерөнхийлөгч Валдис Домбровскис хэлжээ.
Шенгений хуульд зааснаар бол Шенгений хилийг зургаан сараар хааж, үүнийгээ гурван удаа сунгадаг юм байна.
Ингэж Афиныг европын визгүй бүсээс хасах нь бүр өнгөрсөн долоо хоногт тодорхой болоод байгаа юм.
Үүнийг дагаад балканы энэ орныг сайн сайхан амьдрал хайж ирж байгаа дүрвэгсдийн “мини лагерь” болгох төлөвлөгөөг Брюссель, Берлин болон Европын холбооны бусад орнуудын нийслэлд боловсруулж эхэлсэн гэж хэвлэлүүд бичиж байна. Белгийн ДЯЯ-ны тэргүүн Ян Ямбон Грект 400 мянган дүрвэгч байрлуулах лагерь байгуулах асуудлыг Грекийн Цагаачлалын сайд Яннис Музаласт тавьсан байна.
Хамгийн гол нь ийм тооны дүрвэгчийг байрлуулахад найдвартай хамгаалалт, аюулгүй байдлын арга хэмжээ шаардлагатай болж үүнд нь хэдэн арван мянган цагдаа, хууль сахиулагч хэрэгтэй болно.
Үүнээс үүдээд Грек улс үүнийг “европчууд цагаачлагч, дүрвэгсдийн хямралтай холбоотой бүхий л хариуцлагыг Афинд үүрүүлэх гэж байна” гэж мэдэгдэж байгаа юм.
“Бид бүр 2014 онд л дүрвэгсдийн их урсгал эхэллээ гэж байхад хэн ч сонсоогүй. Ингээд давалгаа эхлэх үеэр бид Европын холбоонд хандаж тодорхой нэмэлт нөөц, мөнгө хөрөнгө, техникийн туслалцаа хүссэн, харамсалтай нь туслаагүй. Одоо болохоор биднийг хилээ хянаж чадсангүй хэмээн Шенгений бүсээс гаргана хэмээн айлгаж байна” гэж Грекийн Цагаачлалын сайд Яннис Музалас хэлжээ.
Бүр 2010 оноос хойш эдийн засгийн хямралд ороод байсан Грек одоо хэдэн зуун мянган дүрвэгч хүлээн авна гэдэг ёстой сүйрэл гэсэн үг. Яахав Европын холбооны түншүүдээ л ийм лагерь байгуулахад туслах байх гэж найдах үлдэж байгаа хэрэг.
Грекийн Засгийн газрын албан ёсны баримтаас үзэхэд дүрвэгсэд энэ улсын төсвөөс нэг тэрбум евро залгичхаад байгаа бол Европын төрөл бүрийн сангаас Афинд бас 83 сая еврогийн дэмжлэг үзүүлчихээд байгаа юм.
Олон улсын валютын сангийн тооцооллоор бол ойрын гурван жилд Европын холбооны орнуудад жилд дунджаар 1,3 сая хүн дүрвэн очих гэнэ. НҮБ ч бас энэ тоотой ойролцоо тоо хэлж байгаа юм. Ойрхи Дорнод, Африк, Азийн орнуудаас 2016 онд Европ руу нэг сая хүн зорьж очно гэж НҮБ-ын Дүрвэгсдийн асуудал хариуцсан Дээд комиссарын газар мэдээлж байна.
0 Сэтгэгдэл
