Дэлхийн шатрын 13 дахь аварга, ЗХУ-ын хоёр удаагийн, Оросын аварга  Гарри Кимович Каспаров шатрын карьераа дуусгаж улс төрийн үйл ажиллагаанд шилжихээ 2005 онд мэдэгдсэн. Тэрээр оросын сөрөг хүчний үйл ажиллагаанд идэвхтэй оролцож Иргэний нэгдсэн фронт байгуулан даргаар нь ажиллаж байснаа 2008 онд “Эв нэгдэл” ардчилсан хөдөлгөөн байгуулсан. 2012 оны арванхоёрдугаар сард Оросын сөрөг хүчний зохицуулах зөвлөлд сонгогдоод 2013 оны зургадугаар сард Оросоос дүрвэн гарч  Путины дэглэмтэй хийх тэмцлээ олон улсын давцанд үргэлжлүүлнэ гэдгээ мэдэгдсэн юм. Одоо тэрээр Нью-Йоркт амьдарч “Хүний эрхийг хамгаалах” Олон улсын зөвлөлийг тэргүүлж байна. 2014 онд Каспаров Украины дорнод нутгийн зэвсэгт мөргөлдөөн нь Оросын үйл ажиллагаатай холбоотой учраас барууныхан Путинд шахалт үзүүлэх хэрэгтэй гэж  уриалж байсан юм. Каспаров бас Крым бол Украины газар нутаг гэж үзэж байгаа юм.
Түүний бичсэн “Путин хийгээд цөмийн дайны тухай” өгүүллийг толилуулж байна


“Өнөөдөр Орос дахь эрх барих засаглал нь Зөвлөлт холбоот улсынх шиг нэг намын дарангуйлал биш, Хятад шиг үзэл суртлын  дарангуйлал ч биш, харин “ерөнхий дарга”-ын ухаангүй үйл ажиллагаа, хүнд суртлын хүчирхэг давхарга болохоор илүү аюултай юм. Ийм нөхцөлд энэ нь ардчилсан ч биш, зөвхөн өөрийгөө хамгаалах төдий л ажиллаж байгаа юм”
Орост өнөөдөр бүхий л шийдвэр ганцхан хүний толгойноос гарч байна. Өөрөөр хэлбэл Орос бол Путин, Путин бол Орос гэсэн үг. Энэ дарангуйлагч бүхнийг хамж аваад өөрөө үгүй болох цагт бид бүхий л улс орон сүйрэлд очих тийм цаг үетэй бид учирна. Гитлер ч тийм л байсан. Путины түүнээс ялгарах ялгаа нь тэр Орос орныг өөрийнхөө араас ёроолгүй хар ангал руу чирч байгаа юм” гэж Каспаров өгүүллээ эхэлжээ.
Хөгширч байгаа энэ маньяк дарангуйлагч цөмийн зэвсэг хэрэглэхээс ч буцахгүй. Хэрэв энэ галзууг  зогсоохгүй бол Орос Украины зөрчил шиг тийм байдалд бид очно. Явж явж энэ нь дэлхий дахины тулгамдсан асуудал болно.
Путин эцсийн эцэст ухаанаа алдаад цөмийн зэвсэг хэрэглэх команд өгчих магадгүй хүн. 

ОХУ-ын ерөнхийлөгч Владимир Путин энэ өвөл оросын эсрэг эдийн засгийн хоригийг цуцална гэдэгт итгэж байгаа. Харин барууныхан болохоор Украины газар нутгийн бүрэн бүтэн байдлыг сэргээгээгүй нөхцөлд нөхцөл байдал хэвээрээ байна гэдгийг ойлгуулахыг эрмэлзэж бөайна.
Оросын ерөнхийлөгч Путин Украинд цөмийн зэсэг хэрэглэхгүй гэсэн баталгаа алга.
Би хүмүүсийг айлгахыг хүсэхгүй байна. Гэхдээ цөмийн зэвсэг аюултай гэдгийг хүн олон дахин, нухацтай яриад байвал итгэдэг шиг Оросын телевизүүд энэ санааг байнга сануулаад байгааг анхаарах хэрэгтэй. Тэд “Украинд тактикийн цөмийн зэвсэг хэрэглэхэд НАТО хэдийнээ бэлэн болжээ” гэж улиглаж байна. Энэ солиотой яриаг 10 сарын өмнө хэн анх гаргалаа даа. Орос украины фронтод юу болж байгаа билээ.
Хүмүүс бол ярьж л байна. Харин тэр хийсээр л байгаа. Цөмийн дарамт үзүүлснийх нь төлөө Хрущевыг өнөөдөр Путин яагаад магтаад байгаа юм. Үүнийг бид анхаарах ёстой. Үүнд бэлэн байх ёстой.
Путин гэнэт ухаанаа алдаад солиотой команд тушаал өгчихвөл, түүний тойрон хүрээлэгчид нь биелүүлнэ шүү дээ.
Путин  өөрийнхөө нэр хүндийг өсгөхийн тулд гадаад түрэмгийлээ зөвхөн Украинд ч биш, Зөвлөлт холбоот улсын бүтцэд байсан бүхий л улс орны газар нутагт  хэрэгжүүлэх гэж зөрчил мөргөлдөөн үүсгэхээр турхирч байна.
Гадаад түрэмгийлэл нь түүний хувийн нэр хүндээ өсгөх гол арга хэлбэр болж байгааг ойлгох хэрэгтэй. Тэгэхээр Украин бол ганц чиглэл нь биш. Балтийн орнуудыг өдөөн хатгах магадлал бий. Энэ бол Путины хувьд НАТО-д өгөх шууд цохилт гэж тэр бодож байна. Өмнө зүгт ч Гүрж, Азербайжан гэсэн чиглэл байна.
Ийм байдлаар Зөвлөлтийн бүрэлдхүүнд байсан бүхий л газар нутагт Путин янз бүрийн мөргөлдөөн үүсгэх магадлал байна. Путинд оросын ард түмэнд санал болгох өөр зүйл өнөөдөртөө алга.
Тэр өнөөдөртөө гэм зэмгүй өнгөрчих юм шиг бодож байгаа. Хамгийн аюултай нь бид ийм зүйлийг Германы түүхээс мэднэ. Түүнийг амжилт олоод эхэлмэгц ойрынхон нь бид түүнтэй хамт байх ёстой гэж бодоцгоодог. Харин энэ нь улс орон даяар түгэж эхэлбэл ёстой гамшиг гэгч л болно.
Ийм болохоор нөхцөл байдлыг ухаарч чаддаг хэн бүхэн түүнээс зайгаа барих нь дээр дээ.
Яахав яг өнөөдөртөө Путин цөмийн зэвсгийн улаан товчийг дарчихгүй байх. Украин өнөөдөр тун дорой байгаа. Тэд АНУ, Франц, Герман улс тусгаар тогтнол, бүрэн бүтэн байдлыг хамгаална гэсний хариуд цөмийн зэвсгээ устгачихсан. Ийм ч болохоор Меркель бүхий л чадларааа энх тайвны төлөө чармайж байна. Харин Путинд энхтайвны тухай ойлголт байхгүй. Дээрх гурван улсын баталгаа нь тийм ч итгэмээр зүйл биш.

Путины цөмийн дайн дэгдээх тухайд зөвхөн хүний эрхийг хамгаалагчид ч яриад байгаа юм биш, Путины ойрын найзууд ярьж байгаа. Путинтай олон жилийн турш маш ойр байсан бизнесмэн Сергей Колесников нэг ярилцлагадаа “Европын төвд мянга мянган хүн үхэх дайны тухай тун магадлалтай санал жилийн өмнөөс гарсан. Өнөөдөр энэ нь бодитой болж байна. Энэ бол цөмийн зэвсэг хэрэглэх тухай гэж хэлж болно. Магадгүй энэ нь магадлал бага юм шиг санагдаж болно, гэхдээ энэ бол хэдийнээ дэмий зүйл биш болоод байна. Өнөөдөр ямар нэг байдлаар эдийн засгийн хямралыг зөвтгөх гэж байна. Үүнд бид буруутай биш. Харин бидний дайсан Америк, Европ л бидний дорой амьдралд буруутай” гэсэн байна билээ.
Путин, түүний ойрын хүрээллийнхэн өнөөдөр ердөө л өөрийн өмч хөрөнгө, мөнгөө хамгаалахыг бодож байна. Тэд өөрсдийн л хувийн амьдралаа хамгалаахад анхаарч байна. Эрх мэдлээ алдах, ядаж л мөрдөн шалгуулахаас, үйлдсэн хэргийнхээ төлөө хариуцлага хүлээхээс айж байна.
Энэ бүхэн л Путиныг дайн хийх, цөмийн зэвсэг хэрэглэхэд хүргэж мэдэх юм.