Монголын түүх, соёлын хосгүй үнэт зүйлсийг улсын хилээр зохион байгуулалттай хууль бусаар давуулж, их хэмжээний ашиг олох гэж байсан этгээдүүдийг барьжээ.
Гэмт этгээдүүд төрсөн эгч, дүү болох Б, Г нар байсан аж. Тэд энэ сарын 26-ны өдөр Замын-Үүд дэх хилийн боомтоор 27 ширхэг эртний үнэт эдлэлийг БНХАУ руу гаргах гэж байгаад тагнуулынханд баригдсан байна. 

Шалгалтын явцад Б, Г нар нь хууль бусаар хил нэвтрүүлэх гэж байсан эд зүйлсээ хоёр хоногийн өмнө буюу энэ сарын 24-ний өдөр Замын-Үүд рүү илгээмжээр явуулсан нь тогтоогджээ.