Олон улсын үнэлгээний Moody’s агентлаг нефть олборлох хэмжээ өнөөгийнх шигээ хэрэглээнээс даваад байвал үүний өмнө 53 ам.доллар байхаар төлөвлөж байсан Brent маркийн баррель нефтийн үнэ 2016 онд 43 доллар болно гэж төсөөлснийг мэдэгдлээ.
Баррель нь 48 ам.доллар байсан WTI маркийн нефтийн үнэ ч 40 доллар хүртэл унах юм байна. Энэ мэдээлэлд “энэ хоёр маркийн нефтийн үнэ 2017 юм уу, 2018 он гэхэд арай гэж таванм ам.доллараар өснө гэж агентлаг харж байна” гэж дурджээ. Ираны хоригийг өөрчилсөн нь ирэх онд зах зээлд тодорхой хэмжээний нефть нийлүүлж АНУ-ын нефть олборлолтын буурсан хэмжээг нөхөх, магадгүй давж гарч ч мэднэ. Энэ нь нефтийн үнэ буурч, удаан хугацаагаар хадгалагдахад нөлөөлнө гэж агентлаг үзэж байгаа юм байна.
“ОПЕК-ын орнууд нефть олборлохоо хязгаарлахгүй үргэлжлүүлж зах зээлийг хянасаар байх болно. Орос ч олборлох хэмжээгээ нэмнэ, Ираны эсрэг хоригийг өөрчилж магадгүй. Ингэхээр 2016 онд дэлхийн зах зээлд илүү их нефть орж ирэн ёстой үер болно” гэж Moody’s агентлагийн ахлах дэд ерөнхийлөгч Терри Маршалл хэлжээ.
Эрэлт, нийлүүлэлтийн  тэнцвэр эцсийн эцэст өөрчлөгдөж Brent  маркийн нефтийн үнэ 63 ам.долларт хүрч магадгүй ч энэ нь энэ аран жилийн сүүлчээр л тохиох байх гэж байна.
Moody’s-ийн мэргэжилтнүүдийн төсөөллөөр бол 2016 онд дэлхийн нефтийн эрэлт хоногт 1,6 сая баррелиэр өсөх нь өмнө гаргаж байсан тооцооноос арай их байх гэнэ. АНУ, Хятад, Энэтхэг, Орос зэрэг орнуудад хэрэглээ нэмэгдэх нь үүний үндэс болж байна.

“Хэрэглээ ингэж нэмэгдэж байгаа ч энэ нь нийлүүлж байгааааааа их хэмжээний нефтийги гүйцэхгүй” гэж Маршалл хэлжээ. “Цаг хугацаа явсаар   дэлхий дахины нөөцөлсөн их нефть багасч л байна. Гэхдээ Ираны нийлүүлэх нефтийг нэмэх юм бол нефтийн үнэ бидний бодож төсөөлж байснаас ч удаан хугацаагаар доогуур хэвээр байх болно” гэж тэр хэлсэн байна.
Энэ долоо хоногийн даваа гарагт Brent  маркийн нефть 2008 оноос хойш анх удаа баррель нь 37 ам.доллар болж буурлаа. Оросын Urals  маркийн нефть ч гэсэн 2008 оны арванхоёрдугаар сараас хойш мөн л анх удаа 34 ам.доллараар зарагдаж байна.
Гэтэл Оросын засгийн газар 2016 оны төсөвтөө баррель нефтийг 50 ам.доллар байхаар төлөвлөчихсөн байдаг. ОХУ-ын Сангийн яам бол ойрын долоон жилд баррель нефтийн үнэ 40-60 доллар байна гэж төсөөлжээ. Сангийн сайд Антон Силуанов үүний өмнө 2016 онд зарим үед нефтийн үнэ 30 ам.доллар хүртэл буурна гэж анхааруулж байсан юм.
Өнөөдөр дэлхийн зах зээл дээр мексик канад, иракийн Mexican mix, Iraq Basrah Heavy болон Western Canada Select  зэрэг маркийн нефтийн үнэ бүр 28-22 ам.доллар болж буураад байгааг Bloomberg мэдээлж байна. Энэ бол сүүлийн 11 жилийн хамгийн бага үнэ.