Америкийн Калифорни мужийн Коста-Мес хотын зул сарын бэлгэ тэмдэг 120 мянган доллараар босгосон 30 метр өндөр сүлд мод шатсан харамсалтай хэрэг гарсан байна. 10 орчим тонн жингтэй энэ сүрлэг модыг зул сарын баярт зориулан хотын нэг том зочид буудлын дэргэд босгосон юм байна. Мод хэдхэн минутын дотор галт автаж 40 минутын хугацаанд бүрэн шатаж дуусчээ. Түймрийн утаа хэдэн км-ийн цаанаас харагдаж байсан гэнэ. Орчин тойрны барилгаас хүмүүсийг нүүлгэн шилжүүлэх шаардлага гараагүй, хүн бэртэж түлэгдээгүй байна.
Гал юунаас болж гарсан талаар мэдээлээгүй байна.