Robinson 44 нисдэг тэрэг хулгайлаад зугтаасан Санта-Клаусын хувцастай үл мэдэгдэх гэмт хэрэгтнийг бразилийн Сан-Паулугийн цагдаа нар хайж байна.  
Арваннэгдүгээр сарын 27-нд тэр этгээд захиалгын товчоогоор дамжуулан Кампо-Марта нисэх буудалд агаарын такси захиалсан юм байна. Тэрээр захиалга өгөхдөө  хямдралтай худалдааны “Хар баасан” гарагийг тохиолдуулан олон нийтэд гэнэтийн бэлэг барих гэж байгаа юм гэжээ.
Ингээд агаарт хөөрснийхөө дараа Санта-Клаус  нисгэгчийг хотын ойролцоох жижигхэн ферм рүү нисэхийг шаардаж тэнд буумагцаа өөр нэгэнтэй хамтран нисгэгчийг хүлж  орхиод нисдэг тэргийг нь аван аль нэг тийшээ зугтаасан гэнэ.
Хэдэн цагийн дараа нисгэгч арай гэж сулраад цагдаад мэдэгдсэнээр Санта-Клаусыг хайж эхэлжээ. Гэхдээ одоогоор гэмт хэрэгтнүүд хаашаа явсан нь тодорхойгүй ямар ч ул мөргүй байгаа гэнэ.