Зах зээлийн хүндхэн үед яаж ийж байгаад монголчуудынхаа татвараас илүүчлэн байж анхны Ерөнхийлөгч П.Очирбатад хотын төвд Хуримын ордоны ойрхон юм юмтай хаус барьж өгч байсныг хэн хүнгүй санаж байгаа. Энэ бол Ерөнхийлөгчдөө барьсан ард түмний бэлэг. Гэтэл П.Очирбатад хотын дуу чимээ, утаатай агаар таалагдсангүй юу ямар ч байсан ард түмнийхээ бэлгийг зарчихсан байна. Уг нь Монгол Улсын анхны Ерөнхийлөгч байсан байшин гэж нэгэн цагт хойч үеийнхэнд маань түүх болон үлдэх энэ байшингаа зарсан нь олон асуулт дагуулж байна. Очирбат гуай мөнгөөр дутахгүй л хүн дээ гэх нэг хэсэг нь байхад өрөнд ороод байшингаа өгсөн гэх нэгэн ч байна. Дам яриагаар бол энэ газрыг нь манай толгой компаниудын нэг МCS үнэ цохиж авсан гэх дуулдана. Бас Моннис компанийн Б.Чулуунбаатар энэ газар дээр хэд дахин өндөр байшин барих нь гэх болов.

Юутай ч ард түмнийхээ бэлгийг хэдэн халтар төгрөгөөр зарсанд олон хүн дургүйцэж байна.