“Евро 2012”  тэмцээний С хэсгийн ээлжилт тоглолт Ирланд Испанийн шигшээ багийн хооронд боллоо. Өмнөх тоглолтод  сэлгээний суудалд суун, хоёрдугаар үеийн төгсгөлд талбайд гарсан ч багтаа тус хүргэж чадаагүй “Алтан жаал” хочит Фернандо Торрес энэ тоглолтод өөрийн ур чадварыг харуулж багтаа тус хүргэлээ. 4:0 харьцаатай Ирландын багийг буулган авахад Торрес дубль хийн Фабрегас, Силва нар багтаа хэсгээ тэргүүлэх боломжийг олгосон юм. Ингэснээр Ирландын шигшээ баг хэсгээсээ хасагдах нь тодорхой болсон.  Бас нэгэн сонирхолтой тоглолт Итали Хорватын шигшээ багийн хооронд өрнөж 1:1 харьцаатай тэнцээгээр өндөрлөлөө. Энэ тоглолт Хорватын шигшээ багт ашигтайгаар эргэж 4:4 оноотой Испанитай тэнцсэн бол  Итали хоёр оноогоор сүүл мушгиад байна.