Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг өнгөрсөн аравдугаар сарын 30-нд сэжигтнээр татан цагдан хорьсон билээ.
Учир нь шинэ төмөр замтай холбоотой хэргээр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс саатуулан шалгаж байгаа юм. Мөн түүнтэй хамт Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн удирдлагыг ч мөн саатуулсан.
Тэгвэл өнөөдөр тэдний цагдан хорих хугацааг сунгах уу, үгүй юу гэдэг асуудлыг Эрүүгийн хэргийн анхан шатны шүүхэд хэлэлцэж, Солонгосын “Самсунг С&Т” компанийн захирал Ли Жон Гёл 13.00, Б.Батзаяаг 17.00 цагийн үед батлан даалтад гаргасан байна. Ингэснээр Б.Батзаяа, Ли Жон Гёл нар гадуур байцаагдах юм.
