“Эрдэнэс Таван толгой” ХК-ийн Үйлдвэрчний эвлэлээс цаг үеийн асуудлаар "Зууны мэдээ" сонины Үндэсний мэдээллийн төвд12.00 цагт мэдээлэл хийж эхэлсэн бөгөөд энэ үеэр "Эрдэнэс Тавантолгой" ХК-ийн Цогтцэций суман дахь Үйлдвэрчний Эвлэлийн дарга С.Эрдэнэ өөрийгөө галдан шатаахыг оролдов.
Тэрээр “Энэ залуусын төлөө шатвал ч шатья” хэмээн гэнэт усны савтай бензин өөр рүүгээ цацаж гал тавьсан бөгөөд азаар галын хор ойрж байж галыг унтраасан юм. Тэрээр Зууны мэдээ сониноос “Эрдэнэс Таван толгой” ХК руу хөл нүцгэн явж "тэмцлийн хэлбэр" гэснээс өөр тайлбар өгсөнгүй.
С.Эрдэнэ мэдээллийн эхэнд, “ТТ JV CO компанид “Эрдэнэс Тавантолгой” ХК ажилчидаа худалдсан. 33 сарын хугацаатай хөдөлмөрийн гэрээ байгуулах болсон нь хөдөлмөрийн хууль зөрчиж хүний эрхэнд халдсан хэрэг. Өнөөдөр “Эрдэнэс Тавантолгой” ХК цаасан дээрх компани болж хувирлаа. Ирэх 12 дугаар сард 200 хүн ажилгүй болох нь. Үүний төлөө монголчууд нэгдмээр байна. Энэ бүхнийг хийсэн Засгийн газар болоод С.Баярцогтыг огцруулах ёстой. Ажилчдаа өгөөш болгосон “Эрдэнэс Тавантолгой” ХК-ийн удирдлагуудыг огцруулья. Би хэзээ ч улс төрийн шинжтэй мэдэгдэл хийж байгаагүй. Ардчиллыг байгуулалцаж хамтран зүтгэж өдийг хүрсэн. Гэхдээ улс орноо худалдаж буй эрх мэдэлтнүүдийг тэвчиж гүйцлээ" хэмээн онцолсон юм.
