АНУ-ын тэнгисийн цэргийн хөлөг онгоцууд Өмнөд Хятадын тэнгист тулж ирээд байна. Гэхдээ тэд албан ёсоор гал нээж, Хятадын эрхийг зөрчөөгүй ч нөхцөл байдал дайны бэлэн байдалд шилжсэн гэдгийг албаныхан өгүүлэв.
Өнгөрсөн сарын сүүлээр АНУ-ын хөлөг онгоц Япон тэнгисийн хажуугаар Өмнөд Хятадын тэнгисийг зорин явж буй мэдээлэл цацагдсан. Номхон далайд хийж байгаа хяналтын нэг хэсэг гэж АНУ тайлбарласан боловч Хятадын хиймэл арлуудыг устгах зорилготой хэмээн хэвлэлийнхэн онцолсон юм. Хоёр улс дайны бэлэн байдалд байгаа талаар бүс нутгийн далай тэнгисийн хяналтын гишүүн орнууд болох Филиппин, Вьетнам зэрэг нь ажиглагчийн байр сууринаас харж байгаа гэнэ. Хятадын тал гал нээхэд бэлэн гэсэн бол АНУ хиймэл арал устгах тушаал авсан ч шийдвэрээ түр хойшлуулсаар байна.
Энэ байдлаас харахад хоёр улсын далай тэнгисийн тухай харилцан ойлгомжгүй байдал даамжирч магадгүй болж байх шиг. Гэхдээ их гүрнүүд хүлээцтэй хандаж, тайван замаар шийдэх нь тодорхой гэдгийг “Ройтерс” агентлаг уламжлав.
