Өчигдөр орой 22.50 цагийн үед МАХН-ын ерөнхий нарийн бичгийн дарга асан, Эрүүл мэнд спортын сайд Г.Шийдэгдамбыг АТГ-аас баривчилсан тухай мэдээлэл түгсэн. Намын нөхөд нь ч үүнийг үгүйсгээгүй бөгөөд түүнийг авлигын хэргээр саатуулан баривчилсан гэх мэдээлэл байсан. Энэ тухай МАХН-ын гишүүн, Хууль зүйн дэд сайд асан Э.Эрдэнэжамьяан “Шийлэгдамба сайдын асуудлаар АТГ-д ирлээ. Энд байхгүй, ШШЕГ-ын харьяа хорих 461 дүгээр ангид байгаа гэв. Тэнд харин очоогүй. Нууц шоронтой болчихож. Эсвэл алга болчихож. 02.00 цагт? гэж бичсэн байгаа юм. Үүнээс харвал Г.Шийлэгдамба сайдын 4 цагийн турш хааш нь аваад явчихсан хэрэг вэ. Ямар ч байсан удахгүй сайдын сураг гарах биз. Г.Шийлэгдамба эмнэлгийн дарга нарыг хална хэмээн сүрдүүлж авлига авсан гэх мэдээлэл ч гараад байгаа юм. Түүнийг туслах, жолооч гээд хамгийн ойр хүмүүстэй нь хамт баривчилсан бололтой.

Сонирхолтой нь АТГ-аас МАХН-ын гишүүн, Барилга хот байгуулалтын сайд З.Баянсэлэнгийг яаман дээр очиж сурагласан гэнэ.