Эрчүүд гэдэг цэргийн албан хааж, нэг хэсэг нь орон шоронд ороод ер ихэнхдээ хүүхнүүд илүүдэлтэй байпдаг ч гэлээ энэ ертөнцийн зарим газарт хүүхнүүд бүр ихээр илүүдэж, ганц бие эрчүүдэд бол ёстой диваажин болсон байх нь бий. Ифйм газар манай гариг дээр хаана хаана байна вэ.

1.    Бразилын эмэгтэйчүүдийн Ноива ду Кордейру хамтрал

Бразилын Белу-Валед байдаг энэ хамтралд 20-35 насны 600 гаруй эмэгтэйчүүд л байдаг байна. Үндсэндээ хөдөө аж ахуйн үйлдвэрлэл эрхэлж ажилладаг тэдний олонхи нь нөхөр, хүүхэд, хүүтэй ч тэдэнд нь тэнд хийх ажил байдаггүйгээс өөр хотуудад ажилладаг. Амралтын өдрүүдээр л “зочлон” ирдэг гэнэ. Жилийн өмнө энэ хамтралын бүсгүйчүүд Facebook, нутгийн хэвлэлээр дамжуулан дэлхийн эрчүүдэд хандаж ийшээ ирж, байнга оршин суухыг уриалсан илгээлт явуулсан гэдэг.

2.    Малийн Туарегичууд

Ер нь туарегичууд Мали, Нигер, Буркино-Фасо, Алжир, Ливид амьдардаг. Энд “Асри” буюу нөхөргүй эмэгтэйчүүд бүрэн эрх чөлөөтэй гэдэг ойлголт байдаг. Үүнд нь охид бүсгүйчүүд, нөхрөөсөө салсан, бэлэвсэн эмэгтэйчүүд ч хамаатай. Бүсгүйчүүд өөрийн хүсээгүй хүнтэй гэрлэдэггүй. Хэн хамгийн олон амрагтай байна тэр илүү нэр хүндтэй гэсэн үг.

3.    Умард Марсианы арал

Номхон далайд орших энэ арал дээр ердөө 756 эрэгтэй, 1000 эмэгтэй амьдардаг. 18 хүртэлх юм уу, 64-өөс дээш насны эрчүүдийг хасвал бүр ч аймаар. 686:1000 гэсэн үг.

4.    Украины нийслэл Киев

Дэлхийн хамгийн ногоон хот гэдэг байсан Киевт нийт хүн амын нь 54 хувь нь эмэгтэйчүүд. Үүн дээр одоо украинд дотоодын хямрал зэвсэгт мөргөлдөөн болоод байн байн бүх нийитийн цэрэг татлага болж байгаа болохоор энэ тоо өсч байж ч мэдэх.

5.    Унгарын нийслэл Будапешт

Энд бас л эмэгтэйчүүд нь эрчүүдээсээ олон, хүн амын нь 53 хувийг эзэлдэг байна

6.    Орос

Манай хойд хөрш Оросыг бас л эмэгтэйчүүдийн гүрэн гэж болно. Орост өнөөдөр 66 сая эрчүүд, 76 сая эмэгтэйтэй амьдарч байна. Хамгийн их зөрүү нь социлаизмын үед хөнгөн үйлдвэр, ихэвчлэн оёдлын үйлдвэрийн хот Ивановт 100 эрэгтэйд 190 эмэгтэй оногддог байна. Ярославт гэхэд л 100 эрэгтэйд 179 эмэгтэй, Читэд 177, Курскт 174, Доод Новогородод 173, Тулад 171, Барнаул, Пермд 170 эмэгтэй оногдож байна.