Японы иргэн, 112 настай өвгөн дэлхийн хамгийн өндөр настай эрэгтэй хүн боллоо.

Дэлхийн дээд амжилтыг бүртгэдэг Гиннесийн номын албаны хүмүүс өнөөдөр Японы төвийн нутгийн Нагоя хот дахь асрамжийн газарт очин өндөр настан Ясүтаро Койдэтой уулзаж, дэлхийн хамгийн өндөр настай эрэгтэйгээр тодруулсан гэрчилгээг түүнд өгчээ.

Койдэ гэрчилгээг авахдаа нүүр дүүрэн инээмсэглэж байжээ. Түүний үр хүүхэд, ач зээ, гуч болон бусад хүн алга ташин баяр хүргэжээ.

Мөн Нагоя хотын захирагч Такаши Кавамүра түүнд ваартай цэцэг өгсөн байна.