ОХУ-тай хил залгаа амьдардаг монголчууд хоёр улсын хооронд визгүй зорчдог болсноос хойш хамаг мөнгө Буриад руу урсчихлаа хэмээн гомдоллож эхэллээ. Өнгөрсөн оны арваннэгдүгээр сараас ОХУ-Монгол улс хоёр иргэд харилцан визгүй зорчдог болсноор Хиагтын боомтоор дамжин өнгөрдөг хүний тоо нэг дахин нэмэгдсэн байна. Монгол Улсын Их хурлын гишүүн Лувсанвандангийн Болд харилцан визгүй болсон эхний өдрүүдэд Оросын хилийг давсан монгол иргэний тоо гурав дахин нэмэгдсэн гэж хэлснийг “Байкал-DailyDaily мэдээлсэн байна.
Хоёр талын хилийн дамжин өнөгрүүлэх чадамж өндөр байсан бол бүр 5-10 дахин их хүн хилээр гарах байлаа гэж ноён Болд хэлээд Бид визгүй болсон эхний өдөр буриадад арай гэж л буудал олж байлаа. Тэнд манай иргэд дүүрэн байсан гэж тэмдэглэсэн байна.
Монголын УИХ-ын гишүүн Мөнхчулууны Зоригт бас иргэд харилцан визгүй зорчдог болсон нь Буриадын талд ашигтай болсон гэсэн байна. “Хоёр орны иргэд харилцан визгүй зорчих болсон нь Буриадын иргэдэд л сайнаар нөлөөлж байна. Монголчуудын хөрөнгөөр Улан-Үдэ орчин үеийн сайхан хот болно. Бид хамаг л мөнгөө тийшээ урсгаж, хөрөнгө оруулж байна шүү дээ” гэж ноён М.Зоригт  хэлжээ.
-Манайхан орос руу ёстой л давалгаалж байна. Энэ бол танайд ашигтай давалгаа. Монголчууд орос руу зорчиж, бараа худалдан авч, бүхий л мөнгөө танайд үлдээж байна шүү дээ гэж Сэлэнгэ аймгийн Иргэдийн хурлын төлөөлөгч С.Жавзан бас  хэлж байна.
Визгүй болсноор хил орчмын худалдаа эрс багассан гээд “Манай хүмүүс дахиад харилцан визтэй болгож өгөөч гэж санал тавьж байна” С.Жавзан хэллээ. Аймгийн хурлын төлөөлөгчийн хэлснээр бол буриадын иргэд монголд ирж наймаа хийх нь бага, тэгэхээр тун бага мөнгө монголд үлдэж байгаа гэнэ.
-Буриадууд ирдэг, тэд тун нарийн хүмүүс. Ирж байгаа ч тэд монголд тун бага мөнгө үлдээдэг гэж М.Зоригт гишүүн бас хэлжээ.
Үүний зэрэгцээ дэлхийн валютын нөлөөллөөс болоод рублийн ханш унасан нь хөрш орны иргэдийн урсгалыг нэмэгдүүлэхэд нөлөөлж байгаа юм. Монголын жуулчид Улан-Үдэд автобус автобусаар ирэх нь цагаан сараас л нэмэгдсэн. Тэд барилгын материалаас эхлээд бүхий л зүйлийг худалдан авдаг.
Зах, худалдааны төв гээд худалдаа үйлчилгээний газар бүрт л манай иргэд дүүрэн.Тэд хувцас хунар, хөдөө аж ахуйн төрөл бүрийн бүтээгдхүүн гээд бүхнийг худалдан авч байна. Хүн бүр л том том цүнхтэй явж байхыг би харсан гэж Л.Болд гишүүн хэлээд танайхан болохоор Монголоос голдуу үнэтэй эдлэл, ноос ноолуур бүтээгдхүүн л авч байна гэжээ.
Ноён М.Зоригтын үзэж байгаагаар бол Монгол иргэдийн ийм урсгал нэг их удаан үргэлжлэхгүй бололтой.
-Одоо бол рублийн ханш унасан болохоор их зорчиж байна. Энэ их удаан үргэлжлэхгүй, рубль чангараад ирэхээр гайгүй болно УИХ-н гишүүн М.Зоригт хэлж байна.
Монгол улс-ОХУ-ын хооронд иргэд харилцан визгүй зорчих журмыг 2014 оны арваннэгдүгээр сарын 14-нөөс эхлэн мөрдөж эхэлсэн юм. Визгүй болсон эхний долоо хоногт гэхэд л Хиагтын боомтоор дамжин өнгөрөх иргэдийн урсгал хоногт 1400-1500 болж хилээр гарах машины тоо 400-500 нэгжид хүрч байсан юм хэмээн baikal-daily.ru сайтад бичжээ.