АНУ-ын Нью-Мехико мужийн нэгэн зочид буудалд гурван настай хүү ээж аавыгаа буудсан хэрэг гарчээ. Хүү ээжийнхээ цүнхэнд байсан бууг авч, унтаж байсан аавынхаа нуруу руу санамсаргүй буудаж орхисон байна. Бууны сум аавынх нь нуруунаас гарч, ээжийнх нь баруун мөрийг давхар оносон байна. Хүүгийн ээж найман сартай жирэмсэн ч шарх азаар аминаас холуур өнгөрч, эмнэлэгт эмчлүүлж байгаа гэнэ. Аавынх нь хувьд ч шарх хүнд биш, аль хэдийнэ эмнэлгээс гарчээ.