Азийн олимпийн зөвлөлийн ивээл дор Азийн элсний спортын дугаар наадам БНХАУ-ын ХайЯН хотноо ирэх сарын 16-22-нд болно. Наадам сагсан бөмбөг, гандбол, хөлбөмбөг, гарбөмбөг, модон бөмбөг, дугуйт тэшүүр зэрэг 13 спортын 49 төрлөөр явагдана. Азийн 45 орны 3000 орчим баг тамирчид оролцох уг наадамд Монгол Улсаас элсний гандбол, элсний сагсан бөмбөг, гарбөмбөг, модон бөмбөг гэсэн спортын дөрвөн төрөлд хүч сорихоор бэлтгэж байна. Монголын гандболын шигшээ баг тамирчид анх удаагаа оролцох гэж байгаа аж. Тэмцээний “А” хэсэгт Тайланд, Оман, Япон, БНХАУ, “Б” хэсэгт Пакистан, Катар, Хонконг, Вьетнам, Шри Ланка, “С” хэсэгт Монгол, Энэтхэг, Кувейт, Бахрайн, Афганистан зэрэг орны баг тамирчид тоглохоор сугалаа таарчээ. Монголын элсний гандболын шигшээ багийн бүрэлдэхүүнд Үндэсний биеийн тамирын дээд сургуулийн оюутан, спортын мастер О.Сандаг нарын тамирчид, багийн дасгалжуулагчаар спортын мастер Б.Бадрангуй оролцох юм байна.
