ОХУ-ын нийслэл Москвагийн 29 настай иргэн гэртээ коноплигийн 39 бут ургуулан тарьж байсан нь илэрсэн байна. Тэрээр нэг өрөөндөө “тариалан” эрхлэх бүхий л нөхцөл бүрдүүлэн дулаан, чийглэгийг нь тохируулж, нэмэлт гэрэлтүүлэг хийн нэг ёсны хүлэмж болгосон байсан гэнэ.
Түүнийг саатуулах үеэр энэ бүхнийг би зөвхөн өөрийн хэрэгцээндээ зориулан тарьдаг гэж мэдүүлсэн гэнэ. Түүнд хар тамхины агуулга бүхий ургамал, хууль бусаар тарьж, хадгалсан хэмээн эрүүгийн хэрэг үүсгэн шалгаж эхэлжээ.