АНУ-д муур алсан 25 настай нэгэн эрд шүүхээс хоёр жилийн хорих ял оноолоо хэмээн хууль сахиулагчдын эх сурвалжаас үндэслэн хэвлэлүүд мэдээллээ.

Цагдаагийнхан тэр эрэгтэйг гэрийн тэжээмэл амьтандаа удаан хугацааны турш хэрцгий хандаж тарчлаан зовоож байсан гэжээ.

 Тэр эр эхнэрийнхээ хамтаар таван ч муурын аминд хүрсэн гэнэ. Хэргийг цагдаагийнхан бүр 2013 оноос эхлэн мөрдөж амьтан хамгаалах төвийн ажилтнуудтай уулзаж, гэмт хэрэгтний алсан мууруудын цогцосыг үзэж баримтжуулжээ.
Ийн шүүх эцсийн шийдвэр гаргаж гэмт этгээдийг шорон руу илгээсэн байна.