Нэгэн үе дэлхийн хамгийн сайхан бүсгүй хэмээн гоо үзэсгэлэнгээрээ шагшигдаж байсан Болливудын од Айшвария Рай зургаан сарын өмнө амаржиж, ээж болсон. Гэвч тэрээр Холливудын одод шиг ганцхан сарын дотор хэвийн жиндээ эргэж ороогүй нь шүтэн бишрэгчдийг нь гонсойлгож, саяхан интернэтээр тарсан видеог нь үзсэн хүмүүс шүүмжлэлийн их шуурга дэгдээв. Тэд Айшварияг Виктория Бекхэм мэтийн барууны оддоос үлгэр дуурайл авч, хурдхан турах хэрэгтэй гэж хүртэл шаардаж байна. Гэвч Айшвария энэ үгэнд эмзэглэж, яаран турахыг хүсэхгүй байгаа гэдгээ хэвлэлээр мэдэгдэж, тэр ч бүү хэл жингээ хасаагүй ч үзэсгэлэнтэй сайхан харагдсан хэвээр байгаа гэдгээ Каннын кино наадмын улаан хивсээр алхахдаа батлаад өгөв. 
Ээж болсон Айшвария үндэсний хувцастайгаа гайхалтай сайхан харагдаж байлаа.
Дэлхийн мисс бүсгүй Болливудын хамгийн алдартай оддын гэр бүлд бэр орж, жүжигчин Абхишек Бакчантай гэрлэсэн юм.
