Британийн нийслэл Лондон дахь манай гаригийн хмагийн нэр хүндтэй  дуудлага худалдааны танхимын нэг Christies танхимаас 1,5 сая долларын үнэ бүхий  үнэт зүйлс хулгайлсан хэрэг гарчээ. Энэ хэрэг арванхоёрдугаар сарын 7-ны шөнө гарсан ч одоо л ил болж байгаа юм байна. Цагдаагийнхан гэмт хэрэгтнийг хайж байгаа ч өнөө болтол олдоогүй байна. Алга болсон үнэт зүйлс нь хэдэн зуун фунт стерлингээс аваад сая фунтээр үнэлэгдэх зүйл байсан гэнэ.
Дуудлага худалдааны Christies танхим нь бүр 1766 онд Лондонд байгуулагдсан манай гаригийн хамгийн тэргүүлэх танхимйн нэг  юм. Өнгөрсөн 2013 онд гэхэд л эднийх 2,7 тэрбум фунт стерлингийн арилжаа хийсэн байна.