Сочи-2014 бол олимпын түүхнээ хамгийн өндөр өртөгтэй буюу 50 тэрбум евро зарцуулсан олимп болж байгаа. Forbes сэтгүүл олимпын бэлтгэл ажилд хэн хэдий хөрөнгө хандивласан бэ гэдгийг гаргасан байна.

1.    Алишер Усманов. «Газпроминвестхолдинга»-ийн ерөнхий захирал

Нийт хөрөнгө нь 17,6 тэрбум ам.доллар. Олимп зохион байгуулах хороонд 7 тэрбум рубль хандивласан.

Усмановын хяналтад байдаг “Мегафон” компани олимпын бэлтгэл ажилд 130 сая рубль хандивлахаар 2009 онд гэрээ хийсэн. Үүний 75 сая нь бэлэн мөнгө бусад нь олимп зохион байгуулах хороо, тамирчид, хэвлэл мэдээлийн ажилтнууд, сайн дурынхны холбоо харилцаанд зориулсан тоног төхөөрөмж. Үүний зэрэгцээ “Мегафон” компани телефон харилцааны барилга байгууламж, дэд бүтцэд 97 сая ам.доллар зарцуулжээ. Мөн Усманов “Коммерсантъ” зэрэг хэвлэл мэдээллийн байгууллагыг ивээн тэтгэж байгаа.

2.    Виктор Вексельберг. Төрийн өмчит “Ренова”  компанийн захирлуудын зөвлөлийн дарга

 
Нийт хөрөнгө нь 15,1 тэрбум ам.доллар. Олимп зохион байгуулахад 16 тэрбум рубль хандивласан.

Тэрээр Имеретины хөндийд зочид буудлын цогцолбор барих ажлыг ивээн тэтгэсэн. 2013 оны арванхоёрдугаар сард “Ренова” 4 од бүхий 720 ортой Azimut Hotel Resort & SPA Sochi, гурван од бүхий Azimut Hotel Sochi зочид буудал ашиглалтад өгсөн. Эдгээр нь Сочигийн нийт зочид буудлын орны 10 хувь гэсэн үг юм.

3.    Вагит Алекперов. “Лукойл” компанийн ерөнхийлөгч

Олимп зохион байгуулах хороонд 475 сая рублийн хөрөнгө оруулсан. Олимпын бэлтгэл ажлын хүрээнд “Лукойл” компани Красноярскийн Усан цахилгаан станцыг 475 сая рублиэр шинэчлэн засварласан.

4.    Владимир Потанин. “Интеррос” компанийн ерөнхийлөгч.

Нийт хөрөнгө нь 14,3 тэрбум доллар. Олимп зохион байгуулахад 81,5 тэрбум рублийн хөрөнгө оруулсан.
“Интеррос” компани уулын цанын “Роза Хутор” амралт, сноуборд парк, фристайл төв барьснаас гадна, олимпын дараа улсын мэдэлд очих Оросын Олон улсын олимпын их сургууль байгуулсан.

5.    Геннадий Тимченко, Владимир Костылев, Евгений Сур

Тимченко нь “Новатэк” компанийн захирлуудын зөвлөлийн гишүүн, Костылев нь “СК Мост” компанийн гүйцэтгэх захирал, Сур “УФСК Мост”-ын гүйцэтгэх захирал.

Тимченко 14,1, Костылев 600 сая, Сур 600 сая ам.долларын хөрөнгөтэй.

Сур, Костылев нарын эзэмшдэг барилгын “СК Мост” компани 2008 онд нийтдээ 57 тэрбум рублийн өртөгтэй Адлер-Альпика-Сервисийн төмөр замыг  барих  захиалга хүлээн авсан.

6.    Искандр Махмудов, Андрей Бокарев

Махмудов нь Уралын уул уурхай металлургийн компанийн ерөнхийлөгч, Бокарев нь энэ компанийн захирлуудын зөвлөлийн гишүүн.

Махмудов 8,7 тэрбум, Бокарев 1,35 тэрбум ам.долларын хөрөнгөтэй. Олимп зохион байгуулахад 3,3 тэрбум рублийн хөрөнгө оруулсан.

Энэ хоёрын хамтарсан “УГМК холдинг"-оос хоккейн тэмцээн болох 7000 хүний суудалтай мөсөн тайз “Шайба”-г барьсан бөгөөд олимпын дараа улсад хүлээлгэн өгнө гэдгээ зарласан.

7.    Олег Дерипаска

“Базовый элемент” компанийн ажиглах зөвлөлийн дарга. Нийт хөрөнгө нь 8,5 тэрбум ам.доллар. Олимп зохион байгуулахад 44,2 тэрбум рублийн хөрөнгө оруулсан.
Компани нь “Рогсибал”. Энэ компани Сочи хотын нисэх буудлыг засварлаж, олимпын үндсэн тосгон, Имеретины усан буудлын ачаа хүлээн авах хэсгийг барьсан.

8.    Аркадий Ротенберг. СМП Банкны захирлуудын зөвлөлийн дарга.

Нийт хөрөнгө нь 3,3 тэрбум ам.доллар. 235 тэрбум рублийн хөрөнгө оруулсан. К
омпаниуд нь «ТЭК Мосэнерго», «Стройгазмонтаж», «Мостотрест», «Трансстроймеханизация», «Инжтрансстрой». 32,6 тэрбум рублийн өртөгтэй Жубга — Лазаревское — Сочи-гийн хийн хоолой Адлерийн Дулааны цахилгаан станцыг 28 тэрбум рублиэр барьсан. Мөн Курортын өргөн чөлөөг 59,3 тэрбум, төмөр замыг 15,7 тэрбум рублиэр барихад оролцсон.

9.    Михаил Куснирович

Bosco di Ciliegi компанийн захирлуудын зөвлөлийн дарга. 700 сая рублийн хөрөнгөтэй. Олимп зохион байгуулахад 3 тэрбум рубль хандивласан.

Bosco-гийн хандивын хөрөнгөөр  олимпод оролцох Оросын баг тамирчид, зохион байгуулах хорооны ажилтнууд, сайн дурынхан, шүүгч, албаны үйлчилгээний хүмүүсийн хувцасны загвар гаргаж оёулсан байна.

10.    Арсен Каноков

“Синдика” компанийг үүсгэн байгуулагч. 650 сая ам.долларын хөрөнгөтэй. Олимп зохион байгуулахад 9,5 тэрбум рублийн хөрөнгө оруулсан.

Кабардин Балкарын ерөнхийлөгч байсан түүний компани Сочи хотод хоёр зочид буудал барьсны нэг нь таван одтой, 500 өрөөтэй, нөгөө нь дөрвөн одтой, 150 өрөөтэй.

11.    Олег Шишов.

“Мостовик” корпорацийн ерөнхий захирал. Олимп зохион байгуулахад гурван тэрбум рублийн хөрөнгө оруулсан. 
Төмөр замын “Адлер”, “Олимпын парк”, “Альпика-Сервис” гэдэг гурван буудлыг засварласан. Мөн Керлингийн ордон, хоккейн мөсөн ордон барихад оролцсон. Чарга-бобслейн зам барьсан ч энэ нь арасаа хэл ам дагуулж 2012 оны зургадугаар сард барилгын өртөгтэй холбоотой асуудлаар эрүүгийн хэрэг үүсгэж байсан.

12.    Александр Рудяк

“Ингеокома” компанийн ерөнхийлөгч. Олимп зохион байгуулахад 32,2 тэрбум рублийн хөрөнгө оруулсан.

“Ингеокома” Сочигийн төв цэнгэлдэх хүрээлэн, уран гулгалтын “Айсберг” мөсөн ордон барих захиалга 2009 онд авсан. Үүний зэрэгцээ “Айсберг” ордны суурийг бэхлэхэд 116 сая рублийг төлөвлөснөөс гадуур гаргасан.