Жастин Бибер Селена Гомез нар эргэн нийлжээ гэсэн мэдээ ердөө арваадхан хоногийн өмнө хэвлэлүүдээр гарч байсан бол тэдний хэрэлдсэн мессэжийг RadarOnline өчигдөр нийтэд дэлгэжээ. Тэдний харилцсан мессэжинд Жастин Бибер эхлээд Селенагаас эргэж нийлэхийг гуйж, аргадсан байсан боловч экс найз бүсгүй нь түүнд татгалзсан хариу хатуухан өгсөн нь хэрүүлийн үгс шидэлцэхэд хүргэжээ. Хэвлэлүүдийн бичсэнээр бол тэд ингэж муудалцжээ.
Жастин: Боль л доо, би чамд хайртай шүү дээ.
Селена: “Би чамд шударга хандсан. Хоёр дахь боломжийг ч өгсөн. Гэхдээ миний найзуудын зөв байж. Чи бол адгийн амьтан”
Жастин: Одоо надад чи л хамгаас илүү хэрэгтэй байна. Энэ удаа бид бүтэлтэй байна гэж мэдэж байна.
Селена:Чи хар тамхинд донтчихож. Чамд тусламж хэрэгтэй юм байна.
Жастин: За алив ээ. Энийг санахгүй байна л гэж битгий хэлээрэй дээ./Хэвлэлд бичсэнээр бол тэр энэ мессежтэй хамт өөрийнхөө нүцгэн зургийг илгээсэн гэнэ./
Селена: Болиоч. Чи Скүтерийн /Биберийн менежер/ үгэнд орж, мансууруулах бодисын эмчилгээнд яв. Чи яг өвчтэй болж.
Жастин: Эмчилгээ? Чөтгөр ав. Би үүгээр маш их мөнгө олдог. Больж үз хонгор минь./Тэр бас дахиад л ил задгай зураг илгээжээ/
Селена: Чи яагаад ийм зүйл явуулаад байгаа юм бэ. Бидний хооронд бүх зүйл болоод өнгөрсөн. Чи яаж ийм юм хийхийг зөвшөөрч чадав аа /Тэр Жастины найз хар тамхитай баригдсан тухай хэлсэн бололтой/ Үүнийхээ төлөө чи шоронд суух хэрэгтэй. Одоогийн үйлдэлд чинь яг энэ л таарна. Чи том болох хэрэгтэй.
Жастин: .... /хараал хэлжээ/ Том бол гэнэ ээ. Ха ха за за. Надгүйгээр сайхан амьдраарай ..... /бас л хараал хэлж/. Чи, тэр Скүтер, та нар бүгдээрээ тонил.
Селена: Сайн байна. Дуулахаа больдогсон уу эсвэл хараал идсэн өөр зүйл хийдэгсэн үү дураараа бол.
Жастин: Хэтэрхий их мөнгөнөөс болоод чамайг сонсохгүй нь ээ, хонгор минь. Би л чамайг алдартай болгосон. Энийг чи ч мэднэ. Би ч мэднэ. Бүгд мэднэ. Баяртай. Надаас холдож үз. Тэр авьяасгүй ...../бүдүүлэг үг хэрэглэжээ/-аа надаас хол байлга.
Тэдний харилцсан мессэж санамсаргүйгээр Селенагийн найзын утас руу давхар илгээгдсэн нь ийнхүү хэвлэлээр гарсан аж.
