Холливудын жүжигчин Жонни Депп найз бүсгүй Амбер Хердтойгоо сүй тавьжээ. 2012 оны долдугаар сард эхнэрээсээ салаад удаагүй байхдаа Жонни Депп Амбер Хердтой болзож эхэлсэн юм. Гэхдээ тэднийг бүр 2010 онд "Rum Diaries" кинонд хамтран тоглох үеэс л дотно харилцаатай болсон гэлцдэг. Үүнээс ч болоод Жонни Депп 14 жилийн гэр бүлийн амьдралаа төгсгөл болгож хоёр хүүхдийнхээ ээж Ваннеса Парадайсыг орхисон гэдэг.
Ямартай ч Жонни Депп, Амбер Херд нар сүүлийн хоёр жил хамт байгаа бөгөөд тэд гэр бүлийн амьдрал зохиохоор шийдсэн бололтой. Тэд сүй тавьсан тухайгаа зар цуу болон мэдэгдээгүй ч Амбер Хердыг зүүх болсон алмаазан бөгж сүйн бэлэг байж таарна хэмээн хэвлэлүүд бичиж байна. Тэр ч энэ бөгжөө хэвлэлийн дурангаас нуух гэж хичээж байгаа нь нэг зүйлийг нуугаад байгааг илтгэнэ. 
