Энэ бол Bugatti Veyron Diamond нэртэй загвар. Уртаараа 25 см орчим тоглоом гэж хэлж болох машиныг  алт, цагаан алт, алмазаар урлажээ. Энэхүү тоглоомон машин нь жолооны удирдлага хөдөлгүүр гээд л яг жинхэнэ машин шиг бүх зүйл нь жижигрүүлсэн хувилбартай. Гэхдээ үндсэн эх болсон Bugatti  машинаасаа хоёр дахин илүү үнэтэй.Мэдээж энэ машинаар явж болохгүй. Тэгэхээр ийм үнэтэй зүйлийг хадгалах гэж л худалдаж авна гэхээр?


Би шатар тоглож чаддаггүй юм чинь үүнийг хараад ч яах билээ гэж битгий бодоорой. 320 каратын хар цагаан алмазаар чимсэн энэ шатрыг харахд л өөрийн эрхгүй таашаал авахгүй гэж үү. Яг ийм шатар дэлхий дээр долоохон ширхэг байдаг. Мэдээж 7 тэрбумтны гэрт бий.  Зурагтын өмнөх ширээн дээрээ тавихад гэрт ч олон өнгийг өөрийн эрхгүй түгээдэг болохоор хэрэгтэй эд байгаа биз.


Мэдээж өмнөх эдлэлүүдийг бодвол хамгийн хямдхан нь. Мэдээж тэрбумтнууд ийм жижиг зүйлийг авахгүй л байх гэж бодож болох юм. Гэхдээ чихэвчинд ахадсан үнэ биш гэж үү. Dr Dre Beats нэртэй энэ чихэвч нь сваровски брэндийн шигтгээгээр гоёсон байгаа биз.


iPhone 3GS Supreme Rose бол Стюарт Хьюзын бүтээл.Бидний хувьд алдарт Dr Dre Beats-ийг зүүгээд RnB хөгжим сонссон шигээ явбал догио хэмээн бодож байгаа бол энэ утсыг барьж яваад жорлонд унагачихвал гэж бодож зүрхлэнэ гэж үү.


Цаг гэдэг мөнгө гэдэг. Үнэхээр цаг гэдэг мөнгө гэдгийг хүн бүр хүлээн зөвшөөрнө. Тэгвэл  Chopard цагийг эд баялаг гэхээс өөр яалтай. Энэ бол хувь заяаны бэлэг. 201 каратын алмазаар өвч бүрсэн энэ цаг бол дэлхий дээрх хамгийн үнэтэй нь. Гэхдээ цагаа байн байн харах гэж хараагаа муутгачихгүй л бол энэ бол жинхэнэ гайхамшиг байлгүй яахав.


Экспрессионист Джексон Поллокийн зураг. 140 сая фунтын үнэтэй. Энэ бол дэлхий дээрх хамгийн агуу бүтээл. Яагаад гэж үү. Яагаад гэвэл 140 сая фунтын үнэтэй эд шүү дээ.


Хула шувууны энэ өд дуудлага худалдаагаар 8000 ам.долларт хүрсэн. Хүрэн өнгөтэй үзүүр нь цагаан энэ өдийг магадгүй хиймлээр буй болгох амархан. Гэхдээ энэ бол ховорхон өд учраас хайрлан хамгаалахаас өөр яалтай.


Хэрвээ танд 8000 ам.доллараар шувууны өд худалдаж авах таалагдахгүй байвал insure.com домэйн нэрийг санал болгож байна. Мэдээж хөрөнгө оруулалт татах асар их боломжтой нэр учраас таны сонирхлыг татна. Гэхдээ хэрвээ та ашиглаж чадахгүй гэж бодож байгаа бол 16 сая ам.доллараар худалдаж авах хэрэггүй л болов уу.


Тэнгисийн цахлай шувууны энэ өндөр дунджаар 5 фунт л байх гэж та болож байна уу. Үнэндээ энэ өндгийг хураахын тулд та лиценз авах хэрэгтэй. Мөн жилийн тун цөөхөн долоо хоногт л танд зөвшөөрөл олдоно.  Энэхүү өндгөөр Лондонгийн Boisdale ресторанд хуймаг хийдэг. 90 фунт гэдэг үнэтэй биш санагдаж болох. Гэвч хэрвээ 80 жил сар бүр энэ өндгөн хуймагийг идвэл 90мянган фунт зарцуулах нь. Хэрвээ өдөр бүр идвэл жил 350 мянган фунт болно. Ингээд бодохоор ямар байна.


 Дэлхий дээрх хамгийн үнэтэй энэ байшинг Бельгийн хаан Леопольдад зориулан барьжээ.  20 гектор цэцэрлэг бүхий эдлэнтэй энэ байшин газрын дундад тэнгисийн эрэгт бий.