Хүү 27 долоо хоногтой 500 грамм жинтэй хорвоод мэндэлжээ. Унгарын иргэн энэ бүсгүй 15 долоо хоногтой жирэмсэн байхдаа ухаан алдаж унаад эргэж босоогүй байна. Түүнийг эмч нар тархины үхжилт хэмээн оношлоод эргэж сэргэхгүй гэдгийг ар гэрийнхэнд нь дуулгасан байна. Гэсэн хэдий ч түүний хүү хорвоод мэндэлжээ. Дебрецен хотын төв эмнэлэгт төрсөн хүү 27 долоо хоногтой 500грамм жинтэй. Хүүгийн ээж 31 настай эмэгтэйн тархины ажиллагаа зогссон ч эмч нар ургийг аврах боломжтой гэж үзсэн учраас ээжийг нь ургамлан хүн хэвээр нь үлдээжээ. Харамсалтай нь хүүг эрүүл ертөнцөнд мэндлэхэд туслахын тулд ээжийнх нь зүрхийг зогсоох шаардлагатай болсон байна.
Эмч нар хүүхдийн 27 долоо хоногтой болсон хойно нь сая амьдрах боломжтой хэмээн үзэж ээжийнх нь хэвлийгээс хийсвэр ажиллагаагаар гаргаж авсан байна. Хүүхэд маш жижигхэн байгаа учраас инкубаторт хийгээд байгаа аж. Эмч нар хүүг анагаах ухааны нэг гайхамшиг хэмээн нэрлээд байгаа аж. Дэлхийн анагаах ухааны түүхэнд ийм тохиолдол ердөө гурав бүртгэгдсэний нэг нь энэ. Гурван сарын хугацаанд хүүгийн аав өдөр бүр эмнэлэгт уяатай байсан гэнэ. Харин хүүгийн ээжийн зүрх, элэг, бөөр, ходоодыг донор болгон дөрвөн хүний амийг аварчээ.
