Шведийн домогт АВВА хамтлаг олон улсын дууны “Евровидение” уралдаанд анх ялсныхаа 40 жилийн ойгоор ирэх 2014 онд эргэн нэгдэж магадгүй байна. 1972 онд байгуулагдсан энэ хамтлаг хоёр жилийн дараа “Евровидение” уралдаанд Waterloo дуугаа дуулснаар нэрд гарч байсан юм. Энэ гайхамшигт дөрвөл ирж байгаа онд эргэн нэгдэж дуулж магадгүй тухай хамтлагийн дуучин Агнета Фельтског ярьсан байна. “Энэ ойгоо тэмдэглэж ямар нэгэн юм хийх бодол байна. Гэхдээ яг юу хийхээ одоо хэлж чадахгүй нь” гэж тэрээр немцийн Welt сэтгүүлийн сурвалжлагчийн, та нар нэгдэх үү гэсэн асуултад хариулжээ. Mamma Mia, Dancing Queen и Super Trouper дуунуудаараа поп-хөгжмийн түүхэнд алдаршсан энэ хамтлаг 1982 онд салсан ч гоцлол дуучин Бенни Андерсон, Бьерн Ульвеус нар нь хамтдаа ажиллаж олон дуулалт жүжиг бичсэнээс өөрсдийн нь хамтлагийн “Мамма Миа” дуунд үндэслэсэн дуулалт жүжиг нь ихэд алдаршаад байгаа юм.
