Жүжигчин Уилл Смитийн гэр бүл салах дээрээ тулаад байгаа гэсэн мэдээлэл шар хэвлэлүүдээр гарах болов. Хэдийгээр жүжигчин энэ бүхнийг няцааж, бүх зүйл сайхан байгаа хэмээн мэдэгдэж, Твиттерээр 13 настай хүүдээ төрсөн өдрийн мэнд хүргэхдээ түүнээс өөр жаахан хүүхэд гэр бүлд нь байхгүй учир эхнэрээ жирэмсэн болгох тухай бодож байгаагаа бичсэн ч гэр бүлд нь багагүй асуудал үүсгэх гэрэл зургийг хэвлэлүүд дэлгэж орхив.
"Star" сэтгүүл мягмар гаригийн дугаартаа Уилл Смитийн 23 настай залуухан бүсгүйтэй цээж нүцгэлэн авахуулсан зургуудыг дэлгэсэн байна. Зураг дээрх бүсгүй бол "Focus" кинонд түүнтэй хамтран тоглосон жүжигчин Маргот Робби юм. Гэхдээ тэдний "бяцхан дүрсгүйтлийг" киноны зургийн нэг хэсэг байсан, хоёр жүжигчин хоорондоо ямар ч холбоогүй гэж Уилл Смитийг өмгөөлөх нэгэн ч байгаа аж.
Уилл Смит эхнэр Жадатайгаа 16 жил хамт амьдрахдаа хоёр хүүхдийн эцэг эх болсон билээ. 
Уилл Смиттэй нэр холбогдоод байгаа Австралийн жүжигчин Маргот 
Уилл Смитийн эхнэр Жада олон нийтийн арга хэмжээнд оролцохдоо хуримын бөгжөө зүүгээгүй байсан нь цуу яриаг бүр дэврээсэн юм.
