Рэппер Кэни Уэст “Louis Vuitton” брэндийн бараа бүтээгдэхүүнүүд хэтэрхий үнэтэй байдаг гэж шүүмжилжээ. “Хэрвээ энэ брэнд загвар зохион бүтээгчээр ажиллаач гэж намайг дахин урьвал би тэдэнтэй хамтрахгүй. Учир нь, энэ хэтэрхий үнэтэй брэнд” хэмээн тэрээр радиогийн ярилцлагад орох үеэрээ ярьжээ. Тэрээр 2009 онд Францын тус брэндтэй хамтран өөрийн загвараар пүүз гаргасан нь 840-1140 ам.доллараар худалдаанд гарч байсан юм. Гэхдээ ингэж тансаг зэрэглэлийн брэндтэй хамтран ажиллаж, гаргасан бүтээгдэхүүнээ өндөр үнээр худалдсан нь мөнгөө хайрлаж гамнахын эсрэг хүүхэд залууст буруу үлгэр дуурайл үзүүлсэн хэмээн рэппер өөртөө харамсчээ. Тэрээр одоо харьцангуй боломжийн үнээр бараа бүтээгдэхүүнээ худалдаалдаг A.P.C брэндтэй хамтарч, 100-300 ам.долларын үнэтэй хувцас зохион бүтээж, худалдаанд гаргаж байгаа юм.
