Манай гаригийн хамгийн өндөр хүн турк эр Султан Косен өчигдөр хуримаа хийсэн байна. Түүний хуримд Туркийн Ерөнхийлөгч Абдулла Гюль, Ерөнхий сайд Режап Тайип Эрдагон болон шашин бизнесийн томоохон төлөөлөгчид зочноор уригдан иржээ.
Султан 251 см өндөр бол түүний эхнэр Мервэ Дибо түүнээс даруй 78 см намхан, ердөө тохойгоор нь татдаг гэнэ. Уг нь тэр 173 см өндөр бүсгүй шүү дээ. Султан энэ тухайд “Гэрлэе гэж хэдийнээс бодсон ч өөртөө таарах бүсгүй олж чадалгүй өнөө хүрсэн. Одоо л тохирох ханиа оллоо” гэж ярьжээ. 
Султан Косен өвчний улмаас ингэж өссөөр 2008 онд л өсөлт нь зогсчээ. Тэрээр таягтай л явдаг юм байна. Султан Косен зөвхөн өндрөөрөө ч биш, гарын алга, хөлийн тавхайгаараа дэлхийн дээд амжилтын Гиннесийн номд орсон юм. Түүний гарын алга 27,5 см бол хөлийн тавхай нь 36,5 см урт гэнэ. 31 см тавхайтай хүн гэхэд л 48 размерийн гутал өмсдөг гэнэ шүү дээ. Тэгэхээр Султан хэдэн размерийн гутал өмсдөг бол..
