10. Орох оронгүй эмэгтэй

Канадын Калгари хотын 62 настай, орон гэргүй нэгэн эмэгтэй 10 мянга орчим доллартай цүнх олоод эзэнд нь эргүүлэн өгөхөөр хөөцөлджээ. “Нэгэнт л миний юм биш болохоор өөртөө үлдээе гэж огт бодоогүй” гэж тэр хэлсэн байна. Энэ үед тэрээр христианчуудын асрах байранд амьдарч байсан гэдэг. Энэ мэдээлэл сонинуудын эхний нүүрэнд гарч шударга эмэгтэйд туслахыг олон хүн илэрхийлжээ. Харин эмэгтэй өөрөө орон гэргүй болохоор нэрийг нь зарлахыг хүсээгүй гэдэг. Харин цүнхний эзэн түүний нэр дээр 500 долларын хүмүүнлэгийн сан нээж өгсөн байна.


9. Волмартын ажилчин

Вашингтоны ойролцоох Федерал Уэй хотын ажилчин Бисмарк Менс худалдааны төвийн дэргэдэх хогийг тэргэнцэр дээр ачиж байгаад 20 мянган доллар бүхий дугтуй олсон байна. Тэр шууд л худалдан авагчийн машин руу очиж цүнхнээс нь унасан мөнгөтэй дугтуйг өгчээ. Леон Висдом, Гэри Элтон хоёр банкнаас мөнгө аваад гэртээ тавилга худалдан авахаар явж байсан гэдэг. Бисмарк ямар нэгэн шагнал авах, тэр ч байтугай тэдэнтэй хамт оройн зоог барихаас татгалзсан гэдэг. Харин Волмартынхан түүнд “Ёс зүйтэй ажилчин” гэсэн өргөмжлөл өгчээ. Тэр уг нь цагт 10 долларын хөлс авдаг гэнэ.


8.Шударга эмээ

Теннеси мужийн 75 настай эмээ Билли Вотс гэгч Крэкер Бэррел зоогийн газрын эмгэтэйчүүдийн өрөөнд ороод нэг кабиных нь хаалганы дэргэд цүнх байхыг олжээ. Тэнд байсан нэг дугтуйд хоёр эмэгтэй зураг, нэгтийн дэвсгэртээр 97 мянган доллар байжээ. Эмээ зоогийн газрынханд хэлж утасны дугаараа орхиод цүнхийг өөрөө авч явжээ. Төд удалгүй зургийн эзэн эмэгтэй утасдаж Вотс зоогийн газар луу эргэн очжээ. Эмэгтэй нэг зураг нь саяхан нас барсан охины нь зураг, тэгээд охиныхоо хадгалж байсан мөнгийг банкнаас аваад Флоридад хүү дээрээ очиж амьдрахаар явах гэж байснаа ярьжээ. Вотс эмээд 1000 долларын шагнал өгөх гэсэн ч тэр татгалзсан гэнэ.


7.Шинэ байрны эзэн

Юта мужийн Жош Феррин шинэ байранд ороод гараждаа ороод дээврийн хонгил руу орох хаалганы нэг хавтан унасн байхыг харж. Хаалгыг нээтэл дээврийн хонгилд яг л сумны хайрцаг шиг найман төмөр хайрцаг байхыг олжээ. Энэ дотор нарийн олсоор багласан 40 мянган доллар байх юм гэнэ. Тэгээд тэр гэрийнхэндээ хэлж энэ байшингийн эзэн байгаад саявтар нас барсан Арнольд Батгертерийнх байх хэмээн хүүхдүүдэд нь хэлэхээр шийдсэн байна.
Арнольдын хүү аавыгаа мөнгөө нуух дадалтай байсан гээд нэг удаа шүүгээний нь дороос боодол мөнгө олж байснаа ярьжээ. Феррин мөнгийг хүүд нь өгч “Би эцэг хүн болохоор хүүхдүүд минь хожим шударга хүн болоосой гэж бодож байна” гэжээ.


6. Таксиныжолооч

Лас-Вегасын таксины 42 настай жолооч Адам Волдемарим ээлжинд гарахын өмнө машинаа цэвэрлэж байгаад арын суудал дээрээс зөөврийн компьютерийн хар цүнх олжээ. Тэнд 221510 доллар байжээ. Өмнөх жолоочоосоо асуугаад эзэн олдохгүй бол компанихаа хамгаалалтын албанд өгөх гэж бодож байтал төд удалгүй Эфиопын нэгэн цагаач иргэн казиногоос хожсоноо хэлэн иржээ. Тэрээр Волдемаримыг 2000 доллараар шагнасан байна.


5.Ногоон байгууламжийн дизайнер

Лонг-Бич хотын ногоон байгууламжийн дизайнер Илай Эстрада бизнес нь нэг л бүтэлгүй болж өрөнд орсон ч хуримаа хийх гэж байж. Гэтэл тэр ажилдаа явж байгаад зам дээрээс  144 мянган доллар бүхий уут олох нь тэр. Энэ бол түүний хувьд бүхий л бэрхшээлээс гарахад хангалттай мөнгө байлаа. Гэсэн ч тэр “энэ бол миний мөнгө биш” гэж бодон цагдаад хүргэж өгтөл тэр нь эд хөрөнгийн “Brinks” компанийн жолооч замдаа гээсэн байжээ. Уг нь  “Brinks” компани түүнд нийт мөнгөний 10 хувиар шагнал өгөх ёстой байсан ч  ердөө 2000 доллар л өгсөн гэнэ.


4.Кино театрын ажилтан

Кино театрын ажилтан 19 настай Кристофер Монтгомери кино гараад дуусаны дараа суудлын дундаас 24 мянган доллартай цүнх олжээ. Тэрээр цүнхийг хууль ёсны эзэнд нь өгөх ёстой хэмээн менежертээ өгсөн байна. Тэр нь нэг их том биш бизнесмэн Розмари Лимончеллийн мартсан цүнх байжээ. Тэр банкнаас мөнгө аваад замдаа кино үзсэн нь тэр гэнэ. Тэрээр Монтгомерийг мөнгөөр шагнах гэсэн ч татгалзсан байна.


3. Ажилгүй багш

Техас мужийн Коллеж-Стейшен хотын иргэн Кэндис Скотт машинаараа явж байгаад замын хажууд цүнх байхыг олж. Гэтэл тэнд нь 20 мянган доллар байх нь тэр. Эхлээд тэр цагдаад хэлье гэсэн ч өөртөө үлдээмээр санагдаж, харин Чейз банкны тэмдэг байхыг хараад орон нутгийн салбарт нь аваачиж өгч. Банкын салбарынхан түүүнийг 500 доллараар шагнаад“ Чи бол ертөнцийн хамгийн шударга хүн гэсэн, харин би бол өөрөө хамгийн тэнэг хүн гэж бодсон” гэжээ.


2. Хоол зөөгч

Жоржия мужийн Саванна хотын “Mercer’s” зоогийн газрын хоол Женнифер Шоу хэсэг эрэгтэйн хоол идээд гарсны дараа ширээн дээрээс 5000 доллартай дугтуй олжээ. Тэр дор нь хүмүүсийг гүйцэж мөнгийг нь өгөхөд тэд цайны мөнгө хэмээн 100 доллар өгсөн гэнэ.


1. 10 настай жаал хүү

Канзас-Сити хотын 10 настай жаал хүү Тайлер Шафер эцэг эхтэйгээ нисэх буудлын Хилтон зочид буудалд хоноглоод гэнэт “би мөнгө оллоо” гэж хашгирчээ.
Эцэг Коди Шафер очиж үзвэл 10 мянган доллар байх нь тэр. Энд хар тамхины наймаачид их байдаг болохоор тэднийх байх хэмээн буудлын аюулгүйн албанд өгч цагдаагийнханд өгөхийг хүсчээ. Мөнгөний төлөө хэн ч эрж хайж ирсэнгүй, Миссури мужийн хуулиар бол долоон сарын дотор эзэн гарахгүй бол хүү мөнгийг авах эрхтэй болдог байна. Гэхдээ эцэг нь энэ мөнгийг авахаас татгалзсан байна.