Аль хэдийнээ 43 нас хүрсэн ч үргэлж гялалзаж байдаг Гвиний гэр бүл дахин нэг гишүүнээ өлгийдөн авахаар хүлээж байгаа тухай баттай эх сурвалж мэдээлэв. Хосууд 2002 онд албан ёсоор гэрлээд одоогоор Кингстон, Зума нэртэй хүүхдүүдтэй билээ. Дуучин “Lifestyle” сэтгүүлд өгсөн ярилцлагадаа “Нөхөр бид хоёр 2010 онд хүүхэдтэй болохын маш их хичээсэн ч бүтээгүй. Ингээд бодохоор нэг их чармайхгүй байхад аливаа зүйл бүтдэг гэдэг үнэн болотой. Мэдээж хоёр хүүхдээ тээж байсан шиг л аз жаргалын мэдэрч байна” гэжээ. Энэ баярт мэдээг сонссон “No doubt” хамтлаг болон Гвиний бие даасан уран бүтээлийг дэмждэг шүтэн бишрэгчид нь цахим хуудсаар болон шуудангаар маш баяр хүргэсэн мэндчилгээ илгээж байгаа гэнэ. Ийнхүү жилийн өмнө тэднийг хөндийрсөн хэмээн шуугиж байсан мэдээллийг худлаа гэдгийг нотолж чадлаа.
