-Олимпын 6, дэлхийн 8 удаагийн аварга
-100 м (9,58), 200 м (19,19) болон 4х100 м (36,84) секундын дээд амжилтыг эзэмшдэг.
-2012 онд Болт 24 сая 200 мянган ам.долларын орлогоор дэлхийн хамгийн ашиг орлоготой тамирчдын Forbes жагсаалтанд 40 дүгээрт орсон.
-Берлинд түүнийг аянга зайлуулагчаар хөшөөг нь босгосон.
-Мадам Тюссогийн музейд  Болтын лаан баримал бий.
-Зар сурталчилгааны гэрээг долоон ч брэндтэй байгуулсан байдаг. Puma, Nissan GT-R, Visa-тай байгуулсан гэрээ нь илүү өндөр мөнгөн дүнтэй.
- Nissan GT-R-т “Gold Bolt” маркийн алтадсан машин бий.
- Soul Electronics “Usain Bolt” нэртэй чихэвч гаргасан.
-Болт “Манчестер Юнайтед багийн бүрэлдэхүүнд орж тоглохыг мөрөөддөг. Хэд хэдэн удаа тус клуб болон Болтын хооронд энэ талаар яриа өрнөсөн.
–Болтын уриа: «Бүх юм болно»






-Домог минь сайн явж ирэв үү?
-Хэхэ. Намайг үргэлж ингэж дуудаад байдаггүй юм л даа. Гэхдээ ийм үг сонсох сайхан байна шүү. Бод доо. Чамайг домог гэж дуудах ямар байхыг. Гэхдээ би үүний төлөө маш их ажилласан. Зөвхөн энэ үгээр чинь дуудуулдах гэж л өнөөдрийг хүртэл зүтгэж ирлээ.  Хэдийгээр жаахан даруухан биш санагдаж байж болох ч би өөртөө үргэлж итгэлтэй байдаг. Тэгэхээр хүмүүс намайг өөрийнхөө хэлэх гэсэн үгээр л хэлж байг. Би бүгдийг нь дуртай нь аргагүй хүлээж авна аа.

-Таныг энэ дэлхий дээрх хамгийн хурдан хүн гэдгийг мэднэ. Гэхдээ удаан хийдэг зүйл бас байдаг л биз дээ?
-Би хурдан л гүйдэг, бусдыг нь удаан хийдэг. Миний амьдралын хэмнэл ч удаан. Үнэхээр хүнд бэлтгэл хийдэг ч бусад үед бол би аль болох өөрийгөө амраахыг л хичээдэг.  Би өөрөө тайван хүн, Маш их хугацааг амрахад зарцуулдаг.  Өө нээрээ би бас хурдан давхих дуртай юм байна. Энэ зургадугаар сард “Формулы-1”-ийн гайхамшигт хөлөгт тухалж үзсэн. “Алмазан лиг”-ийн үеэр тэд надад машинаараа давхих зөвшөөрөл өгсөн шүү.

-Миний бодлоор таны тайваг байдал чинь зүгээр л баг юм шиг санагддаг. Та сандрал, тайван бус байдлаа түүнийхээ ард нуучихдаг юм шиг ээ?
-Дандаа сандраад уурлаад байх зүйл юу байх вэ дээ. Би өөрийгөө ийм байдалд орохыг хэзээ ч зөвшөөрдөггүй. Би өөрийгөө юу чадахаа мэднэ. Бас өөрийнхөө ялалтанд ч итгэлтэй байдаг. Камерын өмнө миний хийж байгаа хөдөлгөөнүүд гэхдээ тайвшрах боломж олгодог гэдгийг нуухгүй ээ.

-Гэхдээ л би таныг сандарч байгаагүй гэдэгт хэзээ ч итгэхгүй байна?
-Байлгүй яахав ээ.  Хамгийн хэцүү гараа бол дэлхийн залуучуудын аваргад гүйсэн мөч. Би 15 настай миний өрсөлдөгч нар 18,19 настай. ЭНэ бол маш их ялгаа шүү. Хамгийн гол нь би анх  удаа төрөлх эх орныхоо цэнгэлдэх хүрээлэнг бүтэн тойрч байлаа. Гараанаас гарахын өмнөхөн хөл рүүгээ харсан чинь гутлаа буруу харуулаад өмсчихсөн байсан. Үнэндээ буун дуунаас өмнө сольж амжсан л даа.  Гэхдээ л би хэзээ чтэр өдөр шиг сандарч үзээгүй. Олимпын үеэр ч тэгж сандардаггүй.
Тэр өдөр мэдээж Болт ялсан. Кингстоны цэнгэлдэх хүрээлэн барианд орж ирэхэд 20 метр дутуу байхад л Болтоор амьсгалж эхэлсэн байлаа. Анх удаа Усейн өөрийн гэсэн бяцхан шоу үзүүлээд амжжээ. Энэ бол миний хүртсэн хамгийн анхны хүндэтгэл байлаа хэмээн тэрээр ярьсан.
-Мөстэй ус хийсэн ваннанд сууж байгаа таны бичлэгийг хамгийн сүүлд харсан юм байна.  Энэ бол танд тохиолдсон хамгийн муу зүйлсийн нэг үү?
-Үнэхээр аймаар. Мэдээж бий гадуураа халдаг хувцас өмсдөг л дөө. Гэхдээ л чамайг дотуур хувцастай чинь Антарктидад аваачаад хаячихаж гэж төсөөл.  Тэвчихэд хэцүү. Хашгирч, шал нүдмээр болдог. Нэг газраа зогсч үнэхээр болохгүй.  Гэхдээ л булчинг амраадаг учраас үүний дараа ямар сайхан амардаг гээч. Би зүгээр орон дээрээ хэвтээд PlayStation тоглож эхэлдэг.

-Энэ амралт чинь хэдий хугацаанд үргэлжлэх үү?
-Миний ажилласан цагаас л шалтгаална.  Хэрвээ элдэв ажилгүй бол би тав зургаа долоо найман цаг ч тоглож чадна. Нүд чинь өвддөг үү гэвэл үгүй ээ. Жинхэнэ супер.  Би гэдэг хүн компьютерийн тоглоомоор хэчнээн жил тоглосон хүн билээ. Нүд маань бүүр дасчихсан.  Анх зөвхөн өөртөө зориулж Max Payne худалдаж авсан. 2002 онд л доо.  Би тоглож болох бүх тоглоомыг олж тоглосон.  Миний анхны тоглоом бол Nintendo 64. Би одоо ч гэсэн энэ тоглоомоо дурсдаг юм. Жинхэнэ таашаал.  Харин одоо үргэлж Call of Duty тоглодог. Интернэтэд суух бас дуртай.
Болтын хажууд үргэлж хоёр “асрагч” байх. Биднийг ярилцах зуур тэд хоол дөхүүлнэ. Түүний хоолны цэсийг хэдэн долоо хоногоор гаргадаг ч тамирчин маань заримдаа түргэн хоол руу сэм гүйчихдэг гэнэ.

-Надад түргэн хоол Макдональдс идэхийг зөвшөөрдөггүй юм. Сурталчилгааны зураг авалтын үеэр ч идүүлдэггүй.  Би шарсан төмсөнд дуртай. Гэвч хувийн тогооч маань шарсан хоол аль болохгүй идэхгүй байхыг зөвлөдөг. Хэдийгээр түүний зөвлөгөөг дагахыг хичээдэг ч заримдаа өөртөө түргэн хоол идэх зөвшөөрөл олгоно оо. Скиттлс хажуудаа задалж тавиад ямар нэгэн хийжүүлсэн ундаа задалчихаад PlayStation  тоглох ч кайф шүү.Үүнгүйгээр амьдрал утга учиртай гэж үү. Хаха.
Esquire сэтгүүлд хэсэг эрдэмтийн баг өөрсдийн судалгаан дээр үндэслэн нэгэн нийтлэл гаргажээ.  Тэдний дүгнэснээр 100 метрт 9,58 секут гүйх амжилтыг 2039 онд л үзүүлэх боломжтой гэж.  Тэгэхээр Болтын эрчим хурд нь түүнийг ирээдүйгээс ирсэн хүн гэж дүгнэхэд хүргэх.
-Инээдтэй юм шүү. Би ирээдүйгээс ирсэн хүн байхыг хүсдэг. Гэвч би арай эрт энэ дэлхий дээр ирсэн хүн гэдэгтээ итгэдэг.  Миний давуу тал бол өндөр. Хурд авахад хамгийн тусладаг зүйл маань энэ өндөр бие.

-Хэрвээ таныг гүйцэх хэн нэгэн гараад ирлээ гэж төсөөлье. Эсвэл ирээдүйд таны амжилтыг эвдэнэ гэдгийг хэрхэн төсөөлдөг вэ?
-Хахаха. Мэдэхгүй юм даа. Одоохондоо бол үгүй л болов уу.  Гэвч урд алхам бий.  Япончууд, хятадууд их хурдан гүйдэг болсон байна лээ. 100 метрт миний ард гүйгч 9,9 секундын амжилттай байгаа байх аа.Гүйлтээр хүмүүс маш их хичээллэдэг болж. Гэхдээ л одоохондоо энэ амжилтыг эвдэх хүн үгүй л болов уу.
Болт бол гүйлтийн спортын хаан. Тэр төрөлх Ямайкийнхаа нийслэлд өөрийн авсаархан эдлэнтэй. Байшингаа тойруулаад бэлтгэл хийх боломжийн талбайтай. Эх орон түүнийг баатар хэмээн хүндэлдэг болохоор магадгүй улс төрд хөл тавихыг үгүйсгэх аргагүй.
-Би эх орондоо хайртай. Бид чинь эрх чөлөөт хүмүүс шүү дээ. Гэхдээ би спортоос зодог тайлбал ямар нэгэн кинонд дүр бүтээнэ гэж боддог. Харин улс төрийн хувьд ёстой үгүй. Энэ бол миний ажил биш. Зодог тайлчихаад гэртээ буйдан дээрээ хэвтээд видео тоглоомоо тоглоод эсвэл үүргэвч үүрээд аялна. Би улстөрч болох хүсэл алга. Усейн Болт бол Усейн Болтоороо л дуусна.

Бидний яриаг таслан түүний туслах цаг дууссан гэдгийг илтгэн Болтын мөрөн дээр тоншив.  Горькийн цэцэрлэгт хүрээлэнд цугласан түмэн олон зөвхөн түүний нэрийг дуудан хашгирч байлаа.