Беларусын нийслэл Минскийн гоо бүсгүй шалгаруулах тэмцээний сүүлийн шатанд шалгарч үлдсэн гоо бүсгүйчүүдийн шөнийн клубт нүцгэлэн бүжиглэж байгаа зургийг блогчид олж интернетээр цацсан нь шуугиан тарьж байна. Тэргүүн байр эзэлж, “Мисс Минск-2013” титмийн эзнээр Яна Концевенког тодорсны дараахан л түүний өчнөөн олон эротик зургуудыг нь гаргаж тавьжээ. Мөн төгсгөлийн шатанд орж хоёрдугаар байр эзэлсэн 22 настай Наталья Башура, “Найрамдлын Мисс” титэм хүртсэн Екатерина Войтус, өөр бас хэд хэдэн оролцогчийн шөнийн клубын тайчигчаар ажиллаж байсан олон зургууд олонд ил болжээ. 
Сайхан бүсгүйн тэмцээнд орсон ч ямар шагнал хүртээгүй 23 настай Анжелина Тихонович мөн л тайчигч байсан байна. Түүний тухай бүр “Тэр гурван жилийн турш тайчигчаар ажиллаж, нэг жил Литвад шөнийн клубт ажиллаж байсан нэгэн. Тэр бүр ганцхан агтавчтайгаар эротик хэлбэрийн бүжиг хийдэг байсан” гэхчлэн бичжээ. 
Тайчигч байсан гоо бүсгүйчүүд ч бас дуугүй байсангүй, хэвлэлд хандаж интернетийн мэдээллийн дор “Би та нарт таалагдсангүй юу, ямар харамсалтай юм бэ” гэж бичжээ. 
