Нохой хүний үнэнч анд гэдэг үгийг амьдрал дээр харуулсан нэгэн жишээ саяхан боллоо.
Аргентины нийслэл Буэнос-Айрест 12 настай охиныг авгындаа очихоор явж нарийн гудамжаар орох үед нь нэгэн эрэгтэй дайрч барьж авад, амыг нь таглан байшингийн араар орохоор чирсэн байна. Охин чадлаараа тэмцэж, хашгирсан ч гудамжинд хэн ч байсангүй. Харин хэд хэдэн золбин нохой энэ чимээнээр давхин ирж хүчирхийлэгч рүү дайран хуцаж, хувцас биенээс нь зууж эхэлсэнд сандрахдаа охиныг тавьжээ. Тэр үед нь охин хажуугийн байрны хаалга тогшин тусламж хүссэн байна. Хүмүүс ч цагдаа дуудаж, охин болсон явдлыг ярьжээ. Харин хүчирхийлэгч энэ үеэр сэмхэн зугтаасан байж.