Сүүлийн үед дэлхийн сайхан бүсгүйчүүд тэр дундаа холливудын сайхан хүүхнүүдийн дунд дэлгэрээд байгаа нүүрэндээ цус шахуулдаг гоо сайхны үйлчилгээ дуулиан дагуулсаар байгаа билээ. Тухайлбал цагтаа цалгиж явсан сайхан бүсгүй Анжелина Жоли цагийн эрхээр нас дарж арьс нь гундах болсноор энэ үйлчилгээг хийлгэж холливудын оддын дунд шуугиан тарьж байсан. Байнга л шар хэвлэлийн хуудаснаа зураг хөрөг нь дэлгээтэй байдаг Америкчуудын секс бэлэгдэл гэх Ким Кардашян ч яаж хоцрохов энэ үйлчилгээнд орсон. 
Тэгвэл "Дөрвөн улирал нэг амраг" гэгддэг "Алтны магнат" Ц.Мянганбаярын экс амраг Д.Ариунцэцэг монгол бүсгүйчүүдээ манлайлан энэ туршилтад орсон гэнэ.
Vampire Facelift нэртэй энэ үйлчилгээ үнийн хувьд харьцангуй хямд гэнэ. Ердөө л 1500-2000 ам.доллар юм байна. Тийм болохоор сүүлийн үед бүсгүйчүүд шуурахаас ч яах билээ. Хүний гарын судаснаас 40 орчим грамм цус соруулан авч мэс заслын орчинд нарийн зориулалтын зүү тариураар нүүрний арьсанд шингээдэг гэнэ. Чухамдаа энэ нь арьсан дахь коллагены хэмжээг нэмж, уян хатан болгодог учир хэсэгтээ л залуу төрхөө хадгалдаг гэнэ шүү.
Ямартай ч ард түмний миссийн араас монгол бүсгүйчүүд нэг хэсэгтээ л шуурах нь дээ.
