«Forbes» сэтгүүлийн тодорхойлсноор Оросын олигархи Роман Абрамовичийн нийт хөрөнгө одоогоох 12,1 тэрбум ам.доллар юм. Энэ дэлхийн хамгийн баян хүмүүсийн жагсаалтын 68-т байгаа гэсэн үг.
Ирээдүйн тэрбумтан маань 1966 онд Саратовт төрж, эцэг эхээ хүүхэд байхдаа алджээ. Өнчин хүү өөрийн өвөөгийн гэрт өсч, ЗХУ-ын энгийн л нэгэн гэр бүлийн адил дунд сургуульд сурч, армид алба хаан, их сургуульд элсэн суралцжээ. Абрамович 1990-ээд оны дундуур Борис Березовскийтэй дотноссоноор ОХУ-н Ерөнхийлөгч Ельциний гэр бүлтэй танилцсан гэдэг. Ингэснээр түүнд “Сибнефть” компанийг өөрийн болгох боломж олдсон гэдэг. 2000 оны арванхоёрдугаар сард Чукотки мужийн захирагчаар томилогдсоноор өөрийн болоод орон нутгийн иргэдийн амьжиргааг багагүй сайжруулж чадсан гэдэг. 2008 онд тэрээр өөрийн хүслээр албан ёсоор Ерөнхийлөгч Медведевт албаа хүлээлгэж өгчээ. Тухайн үед Роман Абрамович «Millhouse LLC» компанийн эзэмшигч болчихсон байв.
Чукотки мужийн захирагч Роман Абрамович
Дэлхий дахинаа алдартай тэрбумтны мөнгө нь гэхээсээ илүүтэйгээр амьдралын хэв маяг нь олон хэвлэлийн анхаарлын төвд үргэлж байдаг билээ.
Тэрээр 2003 онд Английн алдарт Челси клубыг 140 сая фунт стерлингээр худалдан авснаар тус клубын амжилт ялагдал эзэмшигчээс нь шалтгаалдаг болсон гэхэд хилсдэхгүй.
Абрамович – дэлхийн шилдэг хөлбөмбөгийн баг Челсигийн эзэн!
Абрамовичийн аюулгүй байдлыг хангах албан 40 хүний бүрэлдэхүүнтэй ажилладаг бөгөөд зөвхөн тэдэнд жил бүр 2 сая ам.доллар зарцуулдаг. Энэхүү хамгаалалтын багт Их Британийн десантын тусгай отряд болох домогт SAS-ийн ахмад дайчид цөөнгүй бий гэнэ.
«Eclipse» хэмээх Романа Абрамовичийн хөлөг онгоцыг шинжээчид 485 сая ам.доллараар үнэлдэг. Энэ хөлөг онгоц бол хамгийн үнэтэй бас хамгийн том хувийн онгоц.
Хөлөг онгоцонд хүний ая тухтай амралтанд хэрэгтэй бүх зүйл бий. Кино театр, номын сан, хоёр ч усан бассейн, спорт танхим, «Blackhawk» нисдэг тэрэг буух тусгай зориулалтын талбайтай. Хөлөг онгоц дээр 92 хүн тусгайлан өөрийн эзэндээ үйлчилдэг. Абрамович өөрийн аюулгүй байдалд хамгийн ихээр анхаардаг учраас хөлөг онгоц сумны хамгаалалттай, аюулын таван ч хаалгатай. Тэрээр энэхүү хөлөг дээрээ зочид хүлээн авах тун дуртай.
Абрамович Холливудын магнатуудын нэг Дэвид Геффенаас авсан «Pelorus» нэртэй хөлөг онгоцоо 2011 он хүртэл эзэмшиж байгаад өөрийн хуучин эхнэр Иринад ногдох хувийг нь өгөх зорилгоор зарсан байдаг.
Дэлхийн хамгийн үнэтэй хөлөг онгоцны нэг «Le Grand Bleu» 2006 он хүртэл мөн Абрамовичийн нэр дээр байсан бөгөөд 2006 онд тэрээр ажил хэргийн анд Евгений Швидлерт бэлэглэсэн гэдэг. 
Роман Абрамович өөрийн эхнэр Иринагаас бөөн хэл амтай дагуулан салсны дараа загвар өмсөгч, дизайнер, сэтгүүлийн редактор Даша Жуковтой гэрлэсэн юм.
2007 онд Абрамович эхнэр Иринагаас 300 сая ам.долларын өв үлдээж салсан нь дэлхийн хамгийн өндөр өртөгтэй салалтын нэгд албан ёсоор тооцогддог. 
Роман Абрамовича Даша Жуковтой хэдэн жил хамт амьдарч 2009 онд хүүтэй болж Аарон нэр хайрласан юм. Тэрээр өмнөх гэрлэлтээсээ хоёр хүү, гурван охинтой.
Даша Жуков амьдралынхаа бүхий л зүйлийн Абрамовичид найддаг. Даша 2008 оноос өөрийн дур сонирхолдоо хөтлөгдөн уран зураг цуглуулах болсон. Тэрээр Фрэнсис Бэкон, Люсьен Фрейдийн зургаас эхлэн цуглуулсан байдаг.
Люсьена Фрейдийн энэ зургийг Абрамович Дашад зориулан бэлэглэхээр 27 сая ам.доллараар худалдан авсан аж. 
Английн зураас Фрэнсис Бэкон 1976 зурсан энэхүү цувралыг 2008 онд 85 сая ам.доллараар худалдан авчээ. .
Роман болон Дашагийн амьдрал маш олон хүндэтгэлийн хүлээн авалт, бас гайхалтай үдэшлэгээр дүүрэн байдаг. Энэ бүхэн үргэлж алдарт «Eclipse» хөлөг онгоц дээр болдог юм.
Абрамович зөвхөн нэгдүгээр сард шинэ жилийн үдэшлэгтээ зориулан Руперт Мердок, Марта Стюарт, Жорж Лукас нарын зочидтай үдэшлэг зохион байгуулахад найман сая ам.доллар үрсэн байна. 
Роман Дашагийн бүхий л төслийг дэмжиж хөрөнгө оруулдаг. Үүний нэг нь орчин үеийн урлагийн томоохон галерей болсон “Гараж”-ийг Москвад нээсэн юм. Энэ галерейд дэлхийн өнцөг булан бүрээс орчин үеийн урлагийн гайхамшгийг мэдрэхийг хүсэгчид зочлон ирдэг.
Даши Жуковын үзэсгэлэнгийн танхим Москвад 
Даша Жукова өнгөрсөн зунаас эхлэн мөн өөрөө ерөнхий редактороор нь ажилладаг «Garage» нэртэй сэтгүүл гаргасан. Сэтгүүлийн анхны дугаарыг нь Хеди Шлиманы авсан Дамьен Херстын нүцгэн зургаар чимж дуулиан дэгдээсэн.
Стиль жизнь Роман Абрамовичийн амьдралын стиль гэдэг хүссэн газраа шаардлагатай үед нэн даруй очиж чаддаг байх дээд зэргийн хөдөлгөөнт байдал юм. Энэ зорилгод нь түүнд олон тооны нисэх онгоц, усан онгоц, машин үйлчилж байдаг билээ. Жишээлэхэд, түүний «Boeing 767» нь 375 зорчигч тээвэрлэх боломжтой.
Роман Абрамовичид хоёр сум нэвтэрдэггүй «Maybach’а» бий. Энэ бол хамгийн орчин үеийн аюулгүй техник гэдгээрээ алдартьай. Нэг нь л нэг сая ам.доллараас илүү үнэтэй.
Одоо тэрбумтаны үл хөдлөх хөрөнгийн талаар хэдэн зүйл сонирхуулъя.
Зураг дээр : Абрамович нь Лондон хотод есөн байр худалдан аваад түүнээ хамгийн элит зэрэглэлийн харш болгон хувиргасан. Шинэчлэх засах бүх ажил дууссаны дараа эдгээр байр нь Их Британийн хамгийн тансаг бөгөөд хамгийн үнэтэй байруудаар тодрох нь гарцаагүй. 
Зураг дээр: Үүнээс гадна АНУ-д байдаг Аспен амралтын газар эдлэнтэй. Үнэ нь 40 сая ам.доллар. Нэгэн удаад энд «Pussycat Dolls» хамтлаг оролцсон шоу зохион байгуулахын тулд тусгай мөсөн гулгуур байгуулж байсан удаатай билээ.
Зураг дээр: Оросын тэрбумтан эр энэ бүхнээс гадна Францын өмнөд нутагт «Chateau de la Croe» нэртэй өөрийн гэсэн цайзтай. Цайзыг шинэчлэн засварлахад тэрээр 50 сая ам.доллар зарцуулсан. Энэ цамхаг нь нэгэн цагт Их Британийн эзэнт улсын хаан ширээнээс татгалзсан Эдвард хунтайж энд амьдарч байсан гэдгээрээ алдартай юм.
Зураг дээр : Абрамович мөнхүү Санкт-Петербург хотод “Шинэ Голланд” нэртэй бүхэл бүтэн арал худалдан авчээ. Арлыг худалдан авахад 400 сая ам.доллар зарцуулсан. Арал дээр өөрийн уран зураг, урлагийн бүтээлүүдийн цуглуулгаа олон нийтэд зориулан дэлгэн үзүүлэх ажээ.
Эцэст нь ядуу өнчин хүүхэд дэлхийд толгой цохих баян болдог түүх бодитоор хэрэгждэг юм гэдгийг Абрамовичийн түүх харуулж байгаа юм. Учир нь асрах газар өсч эрийн цээнд хүрсэн Роман хүүг ийм баян, ийм нөлөөтэй хүн болж чадна гэж тухайн үеийн асрахын багш нар, хамт сурагчид нь огт зүүдлээгүй явсан нь гарцаагүй. Амьдрал дээр үлгэр биелэх боломж гэж бас байдаг л юм байна.
