2003 онд оросын математикч Григорий Перельман100 орчим жилд хэн ч тайлаагүй бодлогын хариуг гаргасан. Тэр ер нь 2002, 2003 онд хоёр теоромын гаргалгааг хийсэн манай гаригийн хамгийн ухаантай хүний нэг. Энэ бодлогуудын хариуг гаргахад нэг сая доллар, Фильдсийн медаль, математикийн Нобелийн шагнал амласан. Харин энэ шагналаас Перельман татгалзаж. Тэр ердөө л мэдлэг бол ямар нэгэн санхүүгийн шагналын төлөө зүйл биш гэжээ. Тэр “Би ямар нэгэн шагнал юм уу, нэр алдар хүсээгүй” гэсэн байна. 45 настай энэ эрдэмтэн өнөө ч гэсэн ээж, эгчтэйгээ хамт төрөлх Санкт-Петербург хотод амьдарч байгаа



Лотерейгээс хожихыг хүсдэггүй хүн гэж байх уу. Ер нь хожих гэж л авдаг биз дээ. Гэтэл Германы 70 настай иргэн 2,0 сая евро /2,77 сая доллар/ хожоод энэ мөнгөөрөө юу хийхээ мэдэхгүйгээсээ болж авахаас татгалзсан. Тэр хожихыг ч хүсээгүй, зүгээр л нас барсан эхнэр нь лотерейд дуртай байснаас болоод тасалбар худалдан авсан гэнэ. Мөнгө хожсоноо мэдээд тэр сугалааны албан газарт хандсан ч мөнгөө аваад яахав дээ, надад ямар хамаатан садан байх биш гэжээ. Ингээд мөнгө сугалааны холбоонд үлдсэн байна.



Саудын Аравийн иргэн Салех Мусфер Аль Гамди гэгч Йемений хилийн ойролцоо уулаар зугаалж яваад жижигхэн бараан өнгийн чулуу олж. Энэ нь Коран сударт өгүүлснээр бол Аллах нэгэн шувуу илгээж, тэр нь Абрахын цэргүүдийг ялах гэж тэр чулууг атгаж ирсэн домогтой гэнэ. Тэгэхээр энэ нь өнөөдөр исламын хамгийн үнэт шүтээн гэнэ дээ. Дээрээ шувуу, зааны дүрстэй, мэргэжилтнүүдийн үнэлснээр 1442 жилийн настай энэ чулууг жилийн дараа 4,0 сая доллараар үнэлж авах гэсэн ч мань эр татгалзсан.



2006 онд зохион бүтээгч Жеффри Ван Мидллбрук хог шатаахад ялгарах хийг дахин ашиглах арга боловсруулж. Түүний энэ бүтээлийг хятадын эрх баригчид ихэд сонирхож нүүрсийг цэвэр технологиор шатаахад хэрэглэх санал тавьж. Хятад бол нүүрсний хамгийн том хэрэглэгч, нүүрс шатааж л эрчим хүч гарган авдаг орон. Үүнээсээ болж байгаль орчныг хамгийн их бохирдуулдаг, үүгээрээ ч агаарын бохирдол хамгийн их орон. Ийм ч болохоороо агаар бохирдуулахгүй шатаах энэ технолгийг сонирхож 60 сая доллар амласан хэрэг. Харамсалтай нь эрдэмтэн зөвшөөрөөгүй. Хятадад улс төрийн хоригдлууд дээр нүүрсний шаталтыг туршдаг гэдгийг хэвлэлээс олж үзээд ийн татгалзсан гэдэг.



Рок хөгжимчин Зи Зи ТопБилли Гиббонс, басс гитарч Дасти Хилл нарын сахлаа хусвал нэг сая доллар өгье гэсэн санал тавьсан ч тэд татгалзсан. Тэд ердөө л “Сахлаа хусчихаад толинд харвал юу болох вэ. Тэрэнд орох нь ээ, хэдийг санал болгосон ч сахалтайгаа  л байсан нь дээр” гэсэн байна.

 

Хью Хефнер сэтгүүлийн редактор Линдсей Лоханыг Плейбой сэтгүүлийн 55 жилийн ойд зориулан  нүцгэн зургаа тавиулна уу гэж санал тавьж. Даанч тэрээр татгалзжээ. Гэхдээ энэ бол түүний ийм хэмжээний мөнгөнөөс татгалзсан эхний тохиолдол биш байлаа. 2008 онд түүнийг бас л нүцгэн зургаа авхуулна уу гэж 700 мянган доллар амлаж байж. Дараа нь бас л түүний нүцгэн биений төлөө нэг саяыг амласан гэдэг. Плейбой дараа нь 900 мянган доллар амлаж.
Лохан хагас нүцгэнээр зургаа татуулснаасаа болж нэг биш удаа эвгүй байдалд орж байсан юм.



Ийм мөнгөний төлөө хүн алахад ч бэлэн хүмүүс бий. Харин энэ эр ийм мөнгөний төлөө GLG-д ажиллахаас татгалзсан байна. Компани бүр түүнд таван жил ажиллаад зохих хэмжэний хувьцаа, тодорхой мөнгө, хөнгөлөлт ав гэж. Сиднейн иргэн 38 настай эр Грег Коффи ердөө л 40 сая долларын үл хөдлөх хөрөнгийг дор нь борлуулчихсан нь ийм санал хүлээн авахад хүргэсэн байна.  Тэр Лондонгийн орон сууц, Сидней дэх далайн эргийн хоёр байшин, Швейцари дахь зуны сууц, лондон орчмын фермийг борлуулж дөнгөж. Гэхдээ түүнд үүнээс ч их орлоготой үл хөдлөх хөрөнгийн сан, компани байж л дээ.


Христийн шашны номлогч Рик Уоррен засгийн газрын байгууллагад хүмүүнлэгийн ажил эрхэлнэ үү гэсэн саналыг сая доллартай нь хамт татгалзсан нэгэн. Тэрээр Калифорни дахь олон нийтийн танил Сэддлбэк Коммюнити сүмийн номлогч. Тэр христийн сүм ямагт засгийн газрын мөнгөнөөс татгалзах ёстой гэсэн байна. Буш, Обамагийн засгийн газар ийм хэмжээний мөнгө сүмд өгч улмаар нийгмийн тусламж үйлчилгээнд зарцуулах ёстой байж. Гэвч  төрийн мөнгийг авна гэдэг бол Иисусын улс төрөөс хол байх сургаалийг зөрчсөн хэрэг болно гэж тэр үзжээ.