Олон улсын хөгжил, эдийн засгийн хамтын ажиллагааны байгууллага уламжлал ёсоороо манай гаригийн хамгийн аз жаргалтай улс, үндэстнийг зарлажээ. Амьдралын хамгийн баяр баясалтай, аз жаргалтай орноор өнгөрч байгаа онд Исланд улс тэргүүн байр эзэлж байсан бол энэ удаа хараахан нэгдүгээр орж чадсангүй харин Австралийн иргэд нэгдүгээрт оржээ. Судалгаагаар австраличуудын 84 хувь нь амьдралдаа сэтгэл хангалуун байгаа нь гарсан байна.
Аман хүзүүнд европын төлөөлөл Шведийн иргэд орсон бол гуравдугаарт Канадчууд оржээ. Дөрөвдүгээр байрыг норвегиуд эзэлж, Америкчууд тавдугаарт орсон байна. Манай умард хөрш Орос энэ жагсаалтын 32 дугаар байрыг эзэлжээ.
Аз жаргалтай орон, ард түмний жагсаалт гаргагчид хүн амын орлого, боловсрол олж авах боломж, орон сууцны нөхцөл, амьдралын аюулгүй байдал, эрүүл мэнд, хүн амын сэтгэл ханамж, ажлын болон чөлөөт цагийн тэнцвэртэй байдал зэрэг 11 шалгуур баримталсан байна.
Монгол улс энэ жагсаалтын хаана байгаа талаар мэдээлээгүй байна.
