Хүн төрөлхтөн бараг үүссэн цагаасаа нэг нэгэндээ бэлэг өгч байж. Чулуун зэвсгийн үед гэхэд л олз омгоосоо юм уу, эсбөгөөс зэвсэг хийчих чулуу бэлэглэхээс эхлээд.... Бэлгийн тухай янз бүрийн сонин баримтууд олныг дурдаж болно.
Өгүүлэх нь...
- Хамгийн том овортой бэлэг бол 1881 онд француудаас Нью-Йоркийн иргэдэд өгсөн Эрх чөлөөний хөшөө юм байна.
- Эртний персэд хуримлаж байгаа хосуудад заавал шатар бэлэглэх журамтай байж
- Немц хэлний Drachenfutter гэдэг үг нь утгачилбал “лууг хооллох” гэсэн үг гэнэ. Энэ нь эр нөхөр нь ямар нэгэн буруу хэрэг хийвэл, согтуу ирэхдээ ч юм уу, эхнэрээ аргалах гэж баглаа цэцэг, боодол чихэртэй хамт өгдөгөөс үүдэлтэй гэнэ.
- Японд гэгээн Валентиний өдрөөр зөвхөн эрчүүдэд л бэлэг өгдөг гэнэ.
- Зохиолч, дипломатч Александр Грибоедов 1829 онд Перст айлчилж байгаад өөрийн шүтэн бишрэгчийн гарт амь алдсан. Персийнхэн энэ алдааныхаа төлөө оросоос уучлал гуйж 88,7 каратын жинтэй алдарт “Шах” алмааз бэлэглэж байжээ.
- 1945 онд зөвлөлтийн сурагчид АНУ-ын Элчин сайдад үнэт модоор сийлсэн АНУ-ын сүлд бэлэглэжээ. Харин үүн дээр жижигхэн чагнах төхөөрөг тавьсныг элчин сайд ч, сурагчид ч мэдээгүй гэдэг. Зөвлөлтийн тусгай алба АНУ-ын Элчин сайдын өрөөнд болсон яриаг найман жилийн турш сонссон байна.
- Хаант Оросын үед бэлэг дурсгалын зүйлсийг тоолох, хадгалах тусгай албатай байж. Өнөөгийнхөөр бол ёслолын албархуу юм уу даа. Гэхдээ зөвхөн бэлэг дурсгалын зүйлээр дагнан ажиллана.
- Алдарт Таж Махал бол Шах-Жаханы нас барсан хайртай эхнэр Мумтаз-махалынхаа дурсгалд зориулан барьсан бэлэг.
- Хамгийн таагүй бэлэг бол Трой хотын иргэдэд бэлэглэсэн том модон морь. Энд нуугдсан цэргүүд шөнө гарч хотын хэрмийн хаалгыг нээснээр Трой хот мөхсөн.
- Францын хаан “нарны хаан” хочтой Людовик XYI эхнэртээ газар гишгихгүйгээр зугаалж байг хэмээн 500 метр урттай үслэг нөмрөг бэлэглэж байж. Эхнэр нь босоод шууд л түүн дээгүүр явж гадаа гарна гэнэ.
