БРИКС-ийн орнууд гэдэг Бразиль, ОХУ, Энэтхэг, Хятад, Өмнөд Африкийн Бүгд найрамдах улсууд Хөгжлийн банк байгуулаххаар ярилцаж эхэлсэн ч тохиролцож чадсангүй. Ийм банк байгуулахад нийтдээ 10 тэрбум долларын хөрөнгө хэрэгтэй. Тэгэхээр нэг улс хоёр тэрбум доллар гаргах хэрэгтэй болж байгаа юм. Асуудал эндээс л үүссэн байна. ОХУ-ын Сангийн сайд Антон Силуанов улс бүрийн санүүгийн хүчин чадал, нөхцөл байдлаас болоод ойрын үед ийм банк байгуулж чадахгүй байх гэжээ. Тэр бас “хамгийн гол нь аль улс хэдий татвар, хувь нэмэр оруулснаас үл шалтгаалан банкийг эрх тэгш удирдах зарчмыг урьдчилан тохиролцох ёстой” гэсэн байна. Ийнхүү Хөгжлийн банк байгуулах асуудлыг таван орон нээлттэй үлдээжээ.
Дурбанд өчигдөр эхэлсэн БРИКС-ийн орнуудын удирагчдын дээд хэмжээний уулзалтаар улс орнууд хоёр талын эдийн засгийн хамтын ажиллагаа төдийгүй санхүү, эдийн засгийн бодлогын асуудлаар өргөн хүрээнд ярилцаж байгаа юм.
