Шувуу бол нэгэн төрлийн уран барилгач гэж болно. Тэрээр энд тэндээс олж цуглуулсан модны мөчир, өөр бас бус зүйлээр ямар нарийн гоёмсог үүр оромж барьдаг билээ. Манай гараг дээрх шувууны хамгийн том үүр Өмнөд африкийн Калахарийн цөлд холбооны шугамын шон дээр байдаг юм байна. Апингоос холгүй байх энэ шонгууд үндсэндээ бүхэлдээ шувууны барьсан энэ тансаг үүрээр хучигдсан гэж хэлж болно. Уг нь шувууд модон дээр ерийн л нэг жижгэвтэр үүр барьдаг. Гэтэл энэ шувуу цөлийн шонгийн мод сонгож авсан төдийгүй асар том үүр барьсан нь энэ модыг бусдаас ялгаруулж, бүр байгалийн нэгэн үзэсгэлэн болгосон байна. Ажиглаад байвал энэ үүр орчин үеийн олон өрөөтэй байр шиг хэдэн давхар бололтой. Хамгийн гадуурх хэсэгт нь нарнаас хамгаалж байдаг бол хамгийн дотуурх хэсэгтээ унтацгаадаг. Цөлд шөнөдөө их хүйтэн байдгаас шувууд үүрээ ийм зориулалттай хийсэн аж. 
