Баянхонгор аймгийн Галуут сумын нутаг Далдын хөх ганга гэдэг газарт хаваржиж байгаа О.Нямсүрэнгийн хотонд энэ сарын 18-нд таван ихэр хурга гарчээ. Нутгийн олон таван ихэр хургыг маш их бэлгэшээж, мал өсөх нь хэмээн баярлаж байгаа аж. Энэ жилийн тухайд таван ихэр төл хүлээж авсан нь анхны тохиолдол биш юм. Төв болон Ховд аймагт таван ихэр ишиг гарсан тухай бид өмнө нь мэдээлж байсан билээ.