Махлаг бүсгүйчүүдэд өөрийн бие галбирын давуу талаа тодруулж, өө сэвээ далдалж хувцасласан бол түүнийг харахгүй өнгөрөхийн аргагүй билээ. Иймд бүсгүй та бие галбирынхаа хэлбэрийг мэдэрч хувцсаа зөв сонгох хэрэгтэй.
1. Таны биеийн цээж таазнаасаа хэдэн размер бага бол та гүн ухлаадастай, өргөн захтай, хүний анхаарлыг биеийн доод хэсгээс холдуулж, цээжиндээ хандуулсан загварын хувцас өмсөөрэй. Цамц, хантааз, ноосон цамц бүгд тод хурц өнгөтэй байх ёстой. Харин өмд банзал зөвхөн хар бараан эсвэл төв өнгийн байна. Таны хувьд банзлын урт нь булчингийн дунд хэсэг хүртэл байвал зохимжтой.
2. Та өргөн мөртэй, том хөхтэй, бүсэлхий ташаа нарийн бол ажил хэрэгч, эрч хүчтэй, орчин үеийн эмэгтэйн дүрийг сонго. Банзал өмд тань тод хурц, харин цамц, пиджак сонгодог хэлбэрийн, бүсэлхий ташааг нуудаггүй, даруухан бол зүгээр. Өргөн мөртэй ханцуй ба Y хэлбэрийн ухлаадастай цамц зохино.
3. Таны хөх ба ташаа ойролцоо хэмжээтэй, бараг бүсэлхийгүй бол шулуун загварын элдэв нүдэнд тусах чимэглэлгүй, бариу хантааз, резинтэй нарийхан банзал, шулуун өмд. Энэ бүхнийг босоо хэлбэрийн зүүлт гоёлоор чим, үүнд тод өнгийн урт хүзүүний ороолт гэх мэт.
