Д.АРИУН

АНУ-ын Ерөнхийлөгч Дональд Трамп өмнөх Ерөнхийлөгч Жо Байдены үед гаргасан 78 шийдвэрийг хүчингүй болгох зарлигт гарын үсэг зурсан тухай тангараг өргөх ёслолын дараа Вашингтонд болсон арга хэмжээний үеэр мэдэгдэв. "Ерөнхийлөгч Трампын гарын үсэг зурсан анхны баримт бичиг бол Байден Ерөнхийлөгчийн үеийн 78 шийдвэрийг буцаах явдал юм " гэж мэдэгдэлд дурджээ.Хүчингүй болсон шийдвэрүүдийн дунд гүйцэтгэх тогтоол, санамж бичиг болон бусад арга хэмжээ байгааг онцолжээ. Ерөнхийлөгч мөн зохицуулалтын моратори тогтоож, шинэ засаг захиргаа Засгийн газарт бүрэн хяналт тавих хүртэл шинэ журам гаргахыг холбооны агентлагуудад хориглов.Бусад алхмуудад холбооны бүх ажилчдыг нэн даруй оффисын ажилдаа бүрэн цагаар ажиллахыг шаардсан гүйцэтгэх тушаал оржээ.Даваа гарагт 78 настай Дональд Трамп  АНУ-ын Ерөнхийлөгчийн тангараг өргөж, албан ёсоор ажлаа хүлээн авлаа. Тэрээр 2017-2021 онд энэ албан тушаалыг хашиж байсан бөгөөд 2024 оны арваннэгдүгээр сарын 5-нд болсон сонгуульд ялалт байгуулсны дараа дахин энэ албан тушаалд очих боломжтой болсон. Тэрээр 19 дүгээр зуунаас хойш дөрвөн жил завсарласны дараа Цагаан ордонд буцаж ирсэн АНУ-ын анхны улстөрч болж байгаа аж.

Эх сурвалж: zms.mn